Rules Secon Time 32:19 - Hawaii Pidgin Bible

¹⁹ Da One In Charge see wat his peopo stay do. Az why he throw um out, An no like dem be his peopo no moa, Cuz he tell “Laytas” to wat his boys an girls stay do.

Rules Secon Time 32:19 ပူးပေါင်းရင်းမြစ်များ

Songs 10:3

Cuz dem bad guys talk big Bout da bad tings dey like do. Dey talk real good Bout da ones dat take stuff away from odda peopo, Same time, dey talk pilau bout Da One In Charge, Jalike he no mean notting.

Songs 106:40

Az why Da One In Charge Come huhu wit his peopo. He piss off wit da peopo Dat suppose to be ony fo him.

Songs 5:4

You da kine God dat no stay good inside Wen peopo no do wat stay right. You no let peopo dat do wass bad, stay wit you.

Songs 78:59

God know wat dey stay do, An fo shua he tell “Laytas” to dat. He tell dat da Israel peopo, Dey not his peopo no moa.

Songs 89:38

But eh, God! You ack jalike you donno yoa king! You treat um jalike he pilau. You wen come huhu Wit da king you wen pick.

Isaiah 1:2

Lissen, erybody in da world an inside da sky, Cuz me, Da One In Charge, da Good Boss, stay tell you dis: “I wen take kea da Israel peopo Jalike dey my kids, an help um grow up. But still yet, dey go agains me.

Jeremiah 11:15

“I get love an aloha fo dese peopo. But dey no mo da right fo come inside my Temple. Cuz dey stay make plan Fo plenny peopo do bad kine stuff! Dey even take home da meat an fat from da sacrifices Dat stay spesho fo me! But bumbye, wen bad kine stuff happen to you guys, You guys no goin dance an sing dat time!

Jeremiah 40:2

Wen Nebuzaradan find Jeremiah wit da odda prisona guys, he pull um on da side an tell um, “Was yoa God, Da One In Charge, wen tell dat dis bad kine stuff goin happen to dis place, aah?

Sad Song 2:6

He wase his Temple, Jalike was one shack inside one grape field. He wipe out da spesho place wea da peopo meet him. Da One In Charge make his Zion peopo foget Da spesho religious ceremonies an da Res Days. He tell “Laytas” to wat da king o da pries guys do, Cuz he stay real huhu.

Prieses 26:11

I goin make house by you guys, an I no goin make to you guys jalike you no good.

Prieses 26:30

I goin broke down yoa sacrifice places fo da idol kine gods on top da hills, an cut down da altars you guys make fo burn incense dea. I goin put big stack a yoa mahke bodies on top da wood blocks, da ones you call yoa idol kine gods, dat no stay alive. An I goin hate you guys.

Amos 6:8

“Da Boss, Da One In Charge a me, he wen make one strong promise, An he no need anodda guy fo help him do um, jus him. Dis wat Da One In Charge tell: ‘Watch out! Me, I so mad wit dem Israel guys! Dey tink dea Israel ohana mo betta den anybody! Dey get strong wall, but I goin go agains um! Dea main town, an eryting inside dea, I goin give all a dat To da guys dat stay agains um.’ ” Dass wat Da One In Charge tell. An you know wat?! He da God Ova All Da Armies.

Zekariah 11:8

In one month, I throw out three odda guys dat take kea da sheeps. I come tired wit dem, an dey come bum out cuz a me.

Jesus Show 3:16

But you guys stay in da middo an you no kea notting. Az why I goin bahf you guys outa my mout!

Local Leadas 2:14

Da One In Charge stay huhu wit da Israel peopo. So he let some steala guys go rip dem off. Az jalike he sell dem to da peopo dat live all aroun dem an hate dem. Da Israel peopo no mo da powa fo stop da steala guys.