Rules Secon Time 32:15 - Hawaii Pidgin Bible15 But Jeshurun, az da Israel peopo Dat stay do wass right, Dey wen come real fat an do Ony wat dey like do. Eh, I stay talk bout you Israel peopo! You guys eat too much an come real fat. You wen bag from da God dat wen make you. Da One dat stay solid jalike one big stone Da One get you guys outa trouble, But you guys tink he stupid, an bag from him. အခန်းကိုကြည့်ပါ။ |
Rules Secon Time 32:15
41 ပူးပေါင်းရင်းမြစ်များ
Dey take ova towns dat get strong wall, An da bestes kine lands. Dey take ova plenny houses Dat stay full wit all kine good stuff. Dey take ova da holes da odda peopos wen dig Fo keep watta inside, An grape farms, an olive farms, An trees wit fruits fo eat. So oua peopo wen eat plenny an come full, An even start fo come fat. Dey party up cuz dey feel real good Bout all da good tings you do fo dem.
“But still yet, da peopo no like lissen. Dey make war agains you. Dey tell laytas to da Rules you wen teach An make jalike dey no mean notting. Dey kill da guys dat stay talk fo you, Yoa talka guys dat wen talk to dem serious kine Fo help um turn aroun Fo come tight wit you one mo time. Dey talk real bad bout you.
Ho! Erybody from inside dea Stay do plenny bad kine stuff, Gotta punish um fo teach um. Dem an dea braddahs, dey no do right kine stuff, Dey da kine peopo dat like bus up eryting! Dey go way from Da One In Charge. Dey hate da God fo da Israel peopo dat stay good an spesho. Jalike dey no like lissen an stay turn dea back on him.
Da One In Charge tell: “How come you Jerusalem guys tink I gotta let you guys go? Yoa kids wen dig out from me. Wen yoa kids make one promise, Dey call out to da gods dat not gods fo real kine, Fo make shua dey goin do wat dey wen promise fo do. I da One give dem eryting dey need. But dey fool aroun wit da wahines dat not dea wife, in front da odda gods. Dey all go togedda to da houses wea da wahines stay Dat fool aroun fo get money fo da odda gods.
Da One In Charge tell Moses, “You get litto bit mo time, an you goin go res wit yoa ancesta guys. But dese peopo, dey goin go down in front da odda gods dat da diffren peopos pray to ova dea inside da land dey goin go inside fo take ova. Dey goin do tings wit dose gods, jalike wen peopo go fool aroun behind dea husban o wife back. Dey goin bag from me, an broke da deal I wen make wit dem.
Wen I bring dem inside da land wea get plenny milk an honey erytime, da land I wen make one spesho promise to dea ancestas fo give dem, dey goin eat all dey like an come full, an eryting goin go good fo dem. Den dey goin turn away an go down in front odda gods an work fo dem. Dey goin go agains me, an broke da Deal I wen make wit dem.
One mo time, da Israel peopo do bad kine stuff da way Da One In Charge see um. Dey work fo da Baal gods, da Ashterot gods, da gods fo da Aram peopo, da gods fo da Sidon peopo, da gods fo da Moab peopo, da gods fo da Ammon peopo, an da gods fo da Filisha peopo. Da Israel peopo bag from Da One In Charge, an no work fo him no moa.
So! How come you guys no mo respeck fo da sacrifice dat I tell da pries guys fo make inside my house?! An you, Eli, how come you show mo respeck fo yoa boys den you show fo me?! How I know all dis?! Cuz all you guys eat ony da bestes part a ery sacrifice dat my Israel peopo make fo you come fat. Dass how I know!
ကြော်ငြာတွေ