Rules Secon Time 32:14 - Hawaii Pidgin Bible

¹⁴ He give um sof cheese from dea cows An milk from dea sheeps an goats, An da bestes kine meats from da bebe sheeps an goats, An meat from da big kine sheeps Dat stay Bashan side, an goats, An wheat dat get big seed. He let um drink da juice From da grapes, da red wine.

Rules Secon Time 32:14 ပူးပေါင်းရင်းမြစ်များ

Start 18:8

He get sof cheese an milk, da meat from da young cow dey kill, an put da food in front da three guys. All da time dey stay eating, Abraham stan ova dea unda da tree fo make shua dey get plenny fo eat.

Start 49:11

Judah get plenny grape farm, So he no lose notting if he tie his young donkey to one grape plant, Da bebe donkey, he tie um to da plant dat get da bestes grape. He no need watta fo make his clotheses come clean, Cuz he rich, an he get plenny wine fo wash um, He can even wash his robe wit da red juice from da grape dat look jalike blood.

2 Samuel 17:29

honey an sof cheese, sheeps, an cheese from da cow milk fo David an his army guys eat. Cuz dey tell, “Da army guys stay hungry an tired an thirsty, ova hea inside da boonies.”

Nehemiah 9:25

Dey take ova towns dat get strong wall, An da bestes kine lands. Dey take ova plenny houses Dat stay full wit all kine good stuff. Dey take ova da holes da odda peopos wen dig Fo keep watta inside, An grape farms, an olive farms, An trees wit fruits fo eat. So oua peopo wen eat plenny an come full, An even start fo come fat. Dey party up cuz dey feel real good Bout all da good tings you do fo dem.

Nehemiah 9:26

“But still yet, da peopo no like lissen. Dey make war agains you. Dey tell laytas to da Rules you wen teach An make jalike dey no mean notting. Dey kill da guys dat stay talk fo you, Yoa talka guys dat wen talk to dem serious kine Fo help um turn aroun Fo come tight wit you one mo time. Dey talk real bad bout you.

Job 20:17

Da guys dat rip off stuff no goin live long enuff fo see da streams dat dey own, An da gulches dat run wit honey an sof cheese.

Job 29:6

Wen my cows give plenny milk, An da stone press fo olives pour out plenny oil fo me jalike streams.

Songs 147:14

He make shua dat da peopo Dat stay agains you No come inside yoa land. He give you da bestes kine wheat fo eat, Fo you eat all you like.

Songs 22:12

Da guys dat stay agains me, Dey come all aroun me Jalike plenny wild bull from Bashan side Trap me.

Songs 81:16

If you lissen, I can give you Da bestes kine wheat fo eat An give you plenny honey From da big rock, Fo fill you up. But you no lissen!”

Isaiah 7:15

Wen he come big, an he know wass right an wass wrong, an know fo pick ony wass right, dat time goin get plenny sof cheese an honey kine stuff fo him eat.

Isaiah 7:22

So from da cow an da goat, dey goin get milk, an da guy goin get enuff sof cheese fo eat. Da peopo dat da army guys no take away from inside da land, goin get sof cheese an wild honey fo eat.

Ezekiel 39:18

You goin eat da meat from da spesho force army guys, an drink da blood from da leada guys from all ova da world, jalike dey boy kine sheeps an bebe sheeps, goats an young cows, all a dem fat animals from Bashan.

Hosea 11:4

I wen lead dem wit my yoke straps, An make nice to dem. I wen show love fo dem. Az jalike I wen take da yoke off dea neck, An bend down fo feed dem.

Amos 4:1

Amos tell dis too: “Eh! You Samaria wahines! Lissen up! You guys jalike da fat cows from Bashan Dat eat grass on top da hills Samaria side! You wahines give hard time to da peopo dat no mo powa An you make any kine to da peopo dat no mo notting. You guys erytime tell yoa husban, ‘Bring mo booze!’

Micah 7:14

Den da peopo tell: “You Da One In Charge! Carry yoa club an come Jalike one sheep guy proteck his sheeps. Lead yoa peopo jalike dey yoa sheeps, Dey da peopo I wen give you jalike dey yoa property. Some a dem live wit nobody inside da fores, But now, give um fields wit green grass fo eat all aroun. I like dem make jalike sheeps Dat eat da green grass Bashan an Gilead side, Jalike befo time.”

Census 18:12

“I give you all da bestes olive oil an da bestes new wine an wheat an barley dat dey give me, Da One In Charge, from da firs food dey harves.

Rules Secon Time 28:47

All dat goin happen cuz you guys no stay real good inside wen you work fo yoa God, Da One In Charge, an even wen eryting was plenny good fo you guys.

Jesus Show 14:20

Dey smash da grapes inside da wine puka outside da big town, an blood come outa da puka. Had real plenny blood, aroun two hundred miles long an five feet deep.

Local Leadas 5:25

Sisera aks fo watta, an she give him milk. Inside one nice bowl good enuff fo da alii She bring sof cheese fo him.