Rules Secon Time 32:13 - Hawaii Pidgin Bible

¹³ Da One In Charge, he put da Israel peopo wea dey stay In da up country inside da Canaan land. He let um eat stuff dat grow inside da fields, An honey from da bees inside da cliffs, An oil from da olive trees dat grow wea get hard rocks.

Rules Secon Time 32:13 ပူးပေါင်းရင်းမြစ်များ

2 Samuel 22:34

God make me fo run an no fall down, Jalike one deer dat run fas ova da big mountains,

Job 20:17

Da guys dat rip off stuff no goin live long enuff fo see da streams dat dey own, An da gulches dat run wit honey an sof cheese.

Job 29:6

Wen my cows give plenny milk, An da stone press fo olives pour out plenny oil fo me jalike streams.

Songs 18:33

He make um fo me run an no fall down, Jalike one deer dat run fas ova da big mountains.

Songs 81:16

If you lissen, I can give you Da bestes kine wheat fo eat An give you plenny honey From da big rock, Fo fill you up. But you no lissen!”

Isaiah 48:21

Da time Da One In Charge take oua peopo Thru all da dry places, Dey neva come thirsty. He make da watta come outa da big rock fo dem. He broke da rock, an da watta pour out.

Isaiah 58:14

If you guys stay do all dat, Den you guys goin feel good inside Cuz you stay tight wit me, Da One In Charge. I goin let you guys ride on top da mos high places in da land, Cuz you guys goin be da ownas. I goin make shua you guys get plenny food fo eat From da same land Dat I wen make one promise Fo give um to yoa ancesta Jacob. Dass wat I goin do cuz me Da One In Charge, An dass wat I tell!”

Ezekiel 16:13

So you get gold an silva all ova you. You get nice kine linen clotheses, an fancy kine clotheses, an clotheses dat cost plenny. You eat da bestes kine flour, an honey, an olive oil. You look real nice, an come one queen!

Ezekiel 21:17

Me, Da One In Charge, goin clap my hands togedda too Fo tell da killa guy fo use da sword. An den, I goin tell um res, Cuz den I no goin stay huhu no moa. Az me Da One In Charge wen tell all dis.’ ”

Ezekiel 36:2

Da peopo dat stay agains you mountains tell, ‘Ahanas! Da real high mountains dat stay from befo time come oua property awready!’

Hosea 13:6

Wen I wen feed dem, dey get full. Wen dey full, den dey ack high makamaka. Dass how dey foget me.

Rules Secon Time 28:47

All dat goin happen cuz you guys no stay real good inside wen you work fo yoa God, Da One In Charge, an even wen eryting was plenny good fo you guys.

Rules Secon Time 33:26

“No mo anodda god like da God fo Jeshurun, Az da Israel peopo dat stay do wass right, He ride from one side a da sky to da odda side Fo help you guys. He ride jalike da clouds one war wagon fo him Cuz he awesome.

Rules Secon Time 33:29

You Israel peopo can stay good inside! No mo nobody jalike you guys. Da One In Charge get you guys outa trouble. Jalike he yoa shield, He help you guys. Jalike he yoa awesome sword, He fight fo you guys. Da peopo dat stay agains you guys Goin come sked an shaking in front you guys. You guys goin walk all ova dea backs.”

Rules Secon Time 8:15

He da One wen lead you guys thru da big an skery boonies, wea get poison kine snakes an scorpions. Wen you guys was thirsty an no mo watta dea, he make watta come out from inside one real hard stone fo you guys drink.

Rules Secon Time 8:8

Az one land wit wheat an barley, grape plants, an fig trees, pomagrams, olive oil, an honey.