Rules Secon Time 32:11 - Hawaii Pidgin Bible

¹¹ Jalike one eagle dat move stuff inside da nes, An move aroun ova dea bebes. Jalike Da One In Charge wen he wen put out his wings Fo catch his peopo, An carry dem jalike wit his feathers.

Rules Secon Time 32:11 ပူးပေါင်းရင်းမြစ်များ

Start 1:2

Da world come so no mo notting inside, no mo shape notting. On top da wild ocean dat cova eryting, neva had light notting. Ony had God Spirit dea, moving aroun ova da watta.

Songs 18:10

Jalike God fly down, riding On top one a da awesome tings dat stay alive an go ery place God go An stay by his throne, Jalike he get wings wit da wind undaneat, Fo dive down an grab someting!

Outa Egypt 19:4

You guys see awready wat I wen do to da Egypt peopo. You guys know, was me da One dat bring you guys outa Egypt, jalike I one eagle bird an I carry you guys away from dea on my wings, an I bring you guys ova hea by me.

Isaiah 31:5

Jalike wen da muddah birds stay fly ova da nes So notting hurt da bebe birds, Same ting wit Da One In Charge Da God Ova All Da Armies, He no goin let notting hurt da Jerusalem peopo. He goin take kea dem An get dem outa trouble. He goin pass ova dem jalike Moses time, An save dem.”

Isaiah 40:31

But da peopo dat wait fo Da One In Charge help dem, Dey goin change fo dem come mo strong still yet. Dey goin fly up jalike da eagle Wit dea wide wing. Dey goin run an no come tired. Dey goin walk an no come wore out.”

Isaiah 46:4

Even wen you guys come ol an get gray hair, I still Da One In Charge. I still goin help you guys. I wen make you guys An I goin carry you guys. I goin get you guys outa trouble.

Isaiah 63:9

Erytime his peopo suffa, he suffa too. He stay right dea wit dem, Jalike he one angel messenja guy Fo get dem outa trouble. He pay da price fo get um outa trouble, Cuz he get love an aloha fo dem An he pity dem. Jalike from long time befo time He stay pick dem up an carry um foeva.

Jeremiah 13:11

Jalike one malo stay tight aroun one guy wais, az how I wen tie da whole Israel an Judah ohanas aroun me. Den dey come my peopo. Az how odda peopo goin find out wat kine god me, an talk good bout me, an show respeck fo me. But my Israel an Judah ohanas still neva lissen.” Az da message from Da One In Charge.

Hosea 11:3

But az jalike I da One wen teach Da Efraim peopo fo walk. I wen carry dem in my arms. But dey neva tink Dat was me wen take kea dem.

Rules Secon Time 33:12

Dis wat Moses tell bout da Benjamin ohana: “Da One In Charge get love an aloha fo dem, I like fo dem get res an no mo trouble Cuz dey stay tight wit him. Da God Dass Mo Importan Den All Da Odda Gods Take kea dem all da time, Da ones Da One In Charge get love an aloha fo, Jalike Da One In Charge stay carry dem on top his back.”

Hebrews 11:3

Cuz us guys trus God, we undastan dat God wen make da world, da sky, an eryting from wat he tell. He neva make da stuff we can see from da odda tings we can see.

Jesus Show 12:14

God give her two wings jalike one big eagle fo fly to da place wea he wen make ready fo her inside da boonies. Ova dea he goin take kea her fo three an a half year, an da Dragon no can touch her.

Jesus Show 12:4

Da Dragon tail sweep some a da stars outa da sky, an throw um down to da groun: one star from ery three stars. Da Dragon stan in front da wahine dat goin born one bebe, fo him eat her bebe as soon as he born.