Rules Secon Time 32:10 - Hawaii Pidgin Bible

¹⁰ Da One In Charge wen find da Israel peopo inside da dry boonies, One place wea no mo notting Ony get wild animals stay making big noise. But Da One In Charge stay all aroun da Israel peopo so notting hurt dem. An he take kea dem. He make shua notting hurt dem, Jalike erybody make shua nobody hurt dea eye.

Rules Secon Time 32:10 ပူးပေါင်းရင်းမြစ်များ

Esther 6:13

He tell his wife Zeresh an his frenz eryting dat wen happen to him. Da guys dat tell him wat fo do, an his wife Zeresh tell him, “You know, cuz Mordecai one Jew, az why you lose out awready! You no can stan agains him. Fo shua, no way you can win!”

Songs 107:40

God show dea alii guys, Da ones dat put presha on da peopo, Dat dea alii guys no worth notting, He make da alii guys go hea an dea Inside da boonies, wea no mo road.

Songs 17:8

Try take kea me, Jalike peopo take kea dea eye fo no get hurt! Try proteck me, Jalike da muddah bird put her wing ova da bebe bird!

Smart Guys 7:2

Do da tings I stay tell you fo do, Den you goin live fo real kine. No foget fo do wat I stay teach, Jalike you no foget fo keep stuff outa yoa eyeballs.

Love Song 8:5

Who dis dat stay come up from da boonies, Dat stay lean on top da one dat she love? Wen you was sleeping unda da apple tree, I wen make you come all excited. Az da same place yoa muddah wen come hapai wit you, An da same place she hurt plenny wen she born you.

Isaiah 63:9

Erytime his peopo suffa, he suffa too. He stay right dea wit dem, Jalike he one angel messenja guy Fo get dem outa trouble. He pay da price fo get um outa trouble, Cuz he get love an aloha fo dem An he pity dem. Jalike from long time befo time He stay pick dem up an carry um foeva.

Jeremiah 13:11

Jalike one malo stay tight aroun one guy wais, az how I wen tie da whole Israel an Judah ohanas aroun me. Den dey come my peopo. Az how odda peopo goin find out wat kine god me, an talk good bout me, an show respeck fo me. But my Israel an Judah ohanas still neva lissen.” Az da message from Da One In Charge.

Jeremiah 2:17

You guys do all dis to you, Cuz you guys wen bag From yoa God, Da One In Charge, Da time he show you guys da way fo go.

Jeremiah 2:6

Dey neva even tink fo aks, ‘Wea Da One In Charge stay, Da One dat wen bring us guys hea outa Egypt? He da One wen bring us guys thru da boonies Wea up country eryting dry, An get plenny gulch wea no mo watta, An get real dark kine place wea can mahke. Wea no mo nobody go thru dea, An no mo nobody live ova dea.’

Ezekiel 16:5

No mo nobody pity you, o love you enuff fo do dat kine stuff fo you. Dey ony throw you out in da country side, cuz from da day you born, peopo hate you.

Ezekiel 20:36

Jalike I wen show yoa ancesta guys dat dey do wass wrong, an punish dem inside da Egypt boonies, az how I goin show dat you guys do wass wrong an punish you too.

Hosea 11:3

But az jalike I da One wen teach Da Efraim peopo fo walk. I wen carry dem in my arms. But dey neva tink Dat was me wen take kea dem.

Hosea 13:5

I wen take kea yoa ancesta guys inside da boonies, Wea stay real hot an dry.

Zekariah 2:12

Da One In Charge goin make da Judah land his property, inside da land dat stay spesho fo him. An he goin pick Jerusalem fo come his town one mo time.

Zekariah 2:8

Dis wat Da One In Charge, Da God Ova All Da Armies, tell: “Afta da Awesome One sen me fo go afta da peopos dat wen rip off you guys, dose peopos goin get it! Cuz da one dat hurt you guys, jalike az my spesho peopo dat he hurt—an he goin get hurt jalike wen he poke da middo a his eye.

Rome 2:18

an you know wat God like you fo do. You know wass da bestes kine stuff, cuz da teachas wen teach you from da Rules From God.

Rome 3:2

Az right! Cuz dat help um plenny. Numba one, cuz God trus da Jew guys fo take kea eryting he like fo peopo know.

Rules Secon Time 1:19

“Den, jalike wat oua God, Da One In Charge, tell us fo do, we go from Mount Sinai to da hills inside da Amor peopo land. We go thru da big an skery boonies dat you guys wen see. Den we reach Kadesh-Barnea.

Rules Secon Time 1:31

An inside da boonies, you guys wen see God, Da One In Charge, take kea you guys, jalike one faddah carry his boy inside his arms. He bring you guys all da way to dis place.

Rules Secon Time 4:36

He make you guys hear his voice from da sky, fo teach you guys how you gotta do wat he tell. On top da earth he show you guys his awesome fire, an you guys hear him talk from inside da fire.