Rules Secon Time 30:17 - Hawaii Pidgin Bible

¹⁷ “But if inside you tell ‘Laytas’ to Da One In Charge, an no lissen, an if odda peopo jalike you guys go da wrong way fo you guys go down in front odda gods an show respeck fo dem,

Rules Secon Time 30:17 ပူးပေါင်းရင်းမြစ်များ

1 Kings 11:2

Dey come from diffren peopos, da ones Da One In Charge tell da Israel peopo bout dem befo time, “No marry dem. No let dem marry you. Cuz if you do dat, bumbye fo shua, dey goin make you come hamajang an you goin start fo follow dea gods, an stop fo follow me, yoa God!” But Solomon, he no can stop love da wahines.

Smart Guys 1:32

Da peopo dat easy fo bulai, Dey goin go away from me, Az dea fault Wen dey get all bus up an mahke from dat. Da stupid peopo, dey ack jalike notting bad goin happen, An cuz a dat, someting goin wipe um out.

Smart Guys 14:14

Da peopo dat like go back do da bad kine stuff, Dey goin get plenny bad kine pay back Cuz a da way dey like live. But da peopo dat do good kine stuff, Dey goin get back mo plenny good kine stuff.

Census 32:15

So if you guys tell laytas an no stay tight wit Da One In Charge, he goin make all dis peopo stay inside da boonies one mo time, an you guys goin get da blame fo wipe out all dem!”

Rules Secon Time 11:16

“Make shua you no go afta notting dat turn you away from God. No work fo odda gods an go down in front dem an show dem respeck.

Rules Secon Time 17:17

Da king betta not get plenny wifes, cuz dey goin make him turn away from Da One In Charge. He betta not pile up plenny silva an gold.

Rules Secon Time 30:16

Me, I tell you guys today wat fo do: Get love an aloha fo yoa God, Da One In Charge. Live da way he tell you guys fo live. Make shua you stay do wat he tell you fo do—dass eryting you gotta do, an eryting da rules he give you tell you fo do. Den you guys goin live an come mo plenny peopo, an yoa God, Da One In Charge, goin do good kine stuff fo you guys inside da land wea you guys goin go fo make um come yoa property.

Rules Secon Time 30:18

I tell you guys today, dat you goin come wipe out fo shua. You guys no goin stay long time inside da land da odda side a da Jordan Riva, wea you goin go inside fo take ova an make um yoa property.

2 Timoty 4:4

Dey no goin lissen da true stuff, an dey goin go da odda way. But dey goin like lissen any kine make up stories dass not true.

Hebrews 12:25

Eh, you guys! Make shua you lissen God, da One stay talking. Da Israel peopo, dey neva like lissen Moses. He da guy hea inside da world dat wen tell dem wat God tell. But cuz dey neva lissen, God wen punish dem. Dat mean, us guys goin get it even moa, if we no lissen da One from da sky wen he stay talk to us!

Hebrews 3:12

Eh, my braddahs an sistahs, watch out! Make shua dat nobody get one pilau kine attitude, da kine wea dey no trus God, an da kine attitude wea dey tell God, da One dat stay alive fo real kine, “Laytas wit you!”

Joshua 22:15

Wen Finehas guys come Gilead side, to da Reuben ohana, da Gad ohana, an half da Manasseh ohana, dey tell dem:

1 Samuel 12:21

Mo betta hang in dea wit Da One In Charge. No go wit da idol kine gods cuz dey no mo notting inside! Dey no can do notting good fo you guys. Dey no can get you guys outa trouble cuz dey notting.

1 Samuel 12:25

But if you guys still do bad kine stuff, he goin take away you guys an yoa king.”