Rules Secon Time 3:24 - Hawaii Pidgin Bible

²⁴ ‘You Da One In Charge! You da Boss, an I yoa worka guy. You wen start fo show me how big an how strong you stay. No mo any odda god inside da sky o on top da earth dat can do stuff jalike da awesome kine tings you do.

Rules Secon Time 3:24 ပူးပေါင်းရင်းမြစ်များ

2 Samuel 7:22

“You da One In Charge a me, fo shua, an you stay real importan! No mo nobody stay jalike you, an no mo any odda God, ony you! All da tings us guys wen hear awready, stay true!

1 Kings 8:42

Cuz dey goin hear bout da big name you get, An how strong you stay, An da awesome kine tings you do. So, wen peopo from anodda place Come fo look dis Temple an pray dea,

2 Records 6:14

He tell: “Eh! You Da One In Charge, da God fo da Israel peopo! No mo anodda God jalike you inside da sky o on top da earth. You stay do wat da deal tell dat you wen make wit yoa worka guys. You stay tight wit dem, wen dey live in front you an go all out fo you.

Nehemiah 9:32

“So now, we like tell dis to you Cuz you da God dat stay big an strong An we stay sked a you: You stay do wat you promise fo do, An you erytime stay tight wit yoa peopo. An us guys know dat da way you see um, All da bad kine stuff we do, az not manini, But real serious fo oua king guys an alii guys, Oua pries guys an da guys dat talk fo God, Oua ancesta guys, an all yoa peopo. We all stay tired cuz we suffa all dis, From da time wen da Assyria king guys come agains us till today.

Songs 106:2

No mo nobody can tell All da tings Da One In Charge do Cuz he strong, An no can tell eryting Bout how awesome him!

Songs 145:3

Da One In Charge, he da One! Real good fo tell good tings bout him! He real big, no can figga out Eryting bout him!

Songs 145:6

Erybody goin talk bout how strong you Fo do da awesome kine tings Dat blow dea mind! I goin tell da story ova an ova Bout da awesome tings you do!

Songs 150:2

Tell good tings bout God, Cuz God do tings fo show How strong him! Tell good tings bout how He mo importan den erybody!

Songs 35:10

I go all out fo tell: “Eh! You Da One In Charge! No mo nobody jalike you! Da peopo dat no mo powa, You get um outa trouble From da ones dat mo strong den dem. Da peopo dat no mo notting, You get um outa trouble From da ones dat like steal dea stuff.”

Songs 71:19

Eh God, you do wass right erytime, An erybody know dat, From hea inside da world To up dea inside da sky! You wen do big tings, God. No mo nobody stay jalike you!

Songs 86:8

You my Boss! No mo one mo God like you, From all da gods Dat da odda peopos pray to! No mo one mo god like you, Dat do da kine tings you do.

Songs 89:6

Da One In Charge, no mo nobody Inside da sky dat stay like you! Even from da good spirits inside da sky, No mo nobody stay like you.

Songs 89:8

Eh! You Da One In Charge, You da God Ova All Da Armies. No mo anodda god Dass strong jalike you! Erybody know fo trus you bout eryting Cuz you erytime do Wat you tell you goin do.

Outa Egypt 15:11

“Eh! You Da One In Charge! From all da gods dat get, No mo nobody jalike you! No mo nobody stay awesome jalike you, Da way you stay good an spesho Wen you do stuff az real awesome An awesome an unreal fo us!

Outa Egypt 8:10

Da Pharaoh tell, “From tomorra.” Moses tell, “Goin happen jalike you tell. Dass fo make you know dat no mo nobody jalike Da One In Charge, oua God!

Outa Egypt 9:14

Fo dis time, I goin make mo big kine trouble fo yoa body, fo you, fo yoa palace peopo, an fo yoa odda peopo. Cuz a all dis, you goin know dat in all da world, no mo nobody can do wat I can do.

Isaiah 40:18

“If you guys like tell, ‘God, he jalike one guy,’ Den, who dat guy?! No moa! If you goin tell he look jalike someting, Den, wat da ting you guys tink he look jalike, Fo you look at him an da ting, togedda?! No moa!

Isaiah 40:25

“Da Good An Spesho God tell dis: ‘If you guys like tell, “God, he jalike one guy,” Den, who da guy Dat you tink I jalike him?! No moa!’ Az wat da Spesho One tell.

Jeremiah 10:6

Da One In Charge, no mo nobody stay jalike you. You da bestes! Wen peopo know wat kine god you, Dey know you strong an can do awesome kine stuff!

Daniel 3:29

Az why I make dis rule now: No matta wat peopo o wat country somebody come from, an no matta wat language dey talk, if dey talk an no show respeck fo da God dat Shadrak, Meshak, an Abednego pray to, I goin tell my worka guys fo cut off dea arms an legs, an make dea house come one big rubbish pile. Cuz no mo anodda god dat can get peopo outa trouble da way dea god can!”

Census 23:23

No can put kahuna on top da Jacob peopo. No can find out from da odda gods How fo win ova da Israel peopo. Now peopo goin tell bout da Jacob peopo, (Dass da Israel peopo), ‘Look wat God do fo dem!’

Rules Secon Time 11:2

From today tink bout dis: Yoa kids not da ones dat God put presha on fo teach dem. Was you guys wen get dat kine presha from Da One In Charge. You guys da ones, not yoa kids, dat wen see God importan, an strong, an can use his powa.

Rules Secon Time 3:23

“Dat time I aks Da One In Charge plenny time fo help me. I tell um:

Rules Secon Time 32:3

I goin tell wat kine god Da One In Charge. I goin tell good stuff bout how big oua God stay!