Rules Secon Time 29:4 - Hawaii Pidgin Bible

⁴ But still yet today Da One In Charge no give you da eyes fo see, o da ears fo hear. Az why you guys no undastan all dat.”

Rules Secon Time 29:4 ပူးပေါင်းရင်းမြစ်များ

Outa Egypt 16:35

Da Israel peopo eat da manna fo forty year, all da time till dey get to da land wea dey goin make house. Wen dey come jus outside da Canaan land, den no mo da manna no moa.

Smart Guys 20:12

Da One In Charge, he da One wen make Da ear fo hear An da eye fo see.

Isaiah 63:17

Eh! You Da One In Charge! How come you let us guys Go wea we like go an bag from you?! How come you let us guys come hard head So we no mo respeck fo you?! Go come back by us, Cuz us yoa worka guys, Oua ohanas, dey yoa ohanas!

Ezekiel 12:2

“Eh! Fo Real Kine Guy! You live wit one peopo dat erytime go agains me. Dey get eyes fo see, but dey no see, an ears fo hear, but dey no hear, cuz dey erytime go agains me.

Ezekiel 36:26

I goin give you guys one new kine heart, an put one new kine Spirit inside you guys fo make you tink diffren kine. I goin hemo yoa stone kine hard heart an give you one sof kine heart dass fo real.

John 8:43

How come you guys no can undastan da stuff I stay tell you? Cuz you guys no like lissen, dass why!

2 Corint 3:15

Even now, weneva da Jew guys read wat Moses wen write, dey lissen. But dey no undastan! Az cuz dey no lissen good, jalike dey get one cova dat jam up how dey tink.

Efesus 4:18

Dey ony hard head. Az why dey donno notting. Dey no undastan notting, jalike dey try fo see inside one dark place an no can see. Dass why dey no stay tight wit God, an dey get cut off from God foeva.

Rules Secon Time 2:30

But Sihon, da king fo Heshbon town, no like let us go thru dea. Az cuz oua God, dass Da One In Charge a us, wen make him hard head, an cuz a dat he give you guys da powa fo take him ova. An now, God let you guys win.

Rules Secon Time 2:7

An Moses tell, “Cuz oua God, Da One In Charge, do plenny good stuff fo us guys, an make eryting us guys make come out good. He take kea us guys inside da big boonies. He stay wit us guys fo all dis forty year, an us neva need notting eva.

2 Timoty 2:25

Wen peopo go agains him, he gotta teach um da true stuff, an teach um nice kine. Den maybe God goin make dem change dea mind fo dem know da trut.