Rules Secon Time 29:2 - Hawaii Pidgin Bible

^2-3 Den layta, Moses tell all da Israel peopo fo come, an he tell dem: “You guys wen see all wat Da One In Charge do to Pharaoh Egypt side, to all Pharaoh leada guys, an all his peopo an land. You guys wen see all da bad kine stuff dat come on top dem, an all da awesome kine stuff he do fo show who him.

Rules Secon Time 29:2 ပူးပေါင်းရင်းမြစ်များ

Outa Egypt 19:4

You guys see awready wat I wen do to da Egypt peopo. You guys know, was me da One dat bring you guys outa Egypt, jalike I one eagle bird an I carry you guys away from dea on my wings, an I bring you guys ova hea by me.

Outa Egypt 8:12

Afta Moses an Aaron go way from da Pharaoh guy, Moses aks Da One In Charge wat fo do wit da frogs dat Da One In Charge wen bring fo bodda da Pharaoh guy.

Isaiah 42:20

No matta you see plenny stuff, You foget wat you see. No matta yoa ears stay open, You no hear notting.”

Rules Secon Time 1:30

Oua God Da One In Charge, he da One goin go in front you guys. He da One goin fight fo you guys, jalike he wen fight fo you guys inside Egypt. You guys wen see dat awready.

Rules Secon Time 11:7

But you guys da ones wen see all da awesome stuff Da One In Charge do.

Rules Secon Time 29:1

All dis, az wat da deal tell, dat Da One In Charge tell Moses fo make wit da Israel peopo Moab side, an da deal he wen make wit dem befo, Mount Sinai side.

Joshua 24:17

Oua God Da One In Charge, he da One wen bring us guys an oua ancesta guys outa Egypt wea us was slaves. He do awesome stuff in front us. He take kea us wea eva us guys go. He take kea us guys wit all da peopos we wen pass thru dea land.

1 Samuel 12:24

But make shua you guys stay sked a Da One In Charge an show um plenny respeck, an go all out fo work fo him fo real kine. Tink bout all da big kine tings he wen do fo you guys.