Rules Secon Time 28:8 - Hawaii Pidgin Bible

⁸ “Yoa God Da One In Charge goin make good tings happen inside yoa store house, an fo eryting you guys do. He goin make good tings happen all ova da land he stay give you guys.

Rules Secon Time 28:8 ပူးပေါင်းရင်းမြစ်များ

2 Kings 6:27

Da king tell, “If Da One In Charge no stay help you, wea I goin find somebody fo help you?! From da place wea dey hemo da junks from da wheat? From da place wea dey step da grapes fo make wine? No ways!”

Songs 1:3

Dat kine peopo, dey jalike da trees Dat peopo plant nea da watta ditch, An ery year da tree give fruits Da right time An da leafs no come all dry an fall down. Eryting dose peopo do, Come out good fo dem.

Songs 128:2

Den, from da work you do Wit yoa hands, You goin get plenny fo eat. You goin stay good inside, An tings goin go good fo you too.

Songs 133:3

Wen erybody stick togedda Jalike dey one, Make you feel real good. Jalike wen dew go on da grass Morning time On top da hills aroun Jerusalem, An jalike on top Mount Hermon. Weneva peopo stick togedda lidat, Da One In Charge make shua Eryting go good fo dem, An dey get da real kine life To da max foeva!

Songs 144:13

We like oua food storage place stay full Fo give us all diffren kine stuff Wen we need um. We like oua sheeps an goats Get plenny bebes, Tousan times mo plenny Aroun oua towns, Ten tousan times mo plenny In da country side.

Songs 42:8

Day time, Da One In Charge Stay show me Dat he stay tight wit me. He do dis fo do good tings fo me. Nite time, I get one song fo sing to him, Dat song, jalike one prayer To da God dat make me live.

Songs 44:4

Eh God! You da king dass ova me! You da one Dat make us Israel guys win!

Prieses 25:21

I goin make real good fo you guys da year numba six, so da land goin grow enuff food fo three year.

Prieses 26:10

You guys wen grow real plenny foods da year befo, an yet you still stay eat dat food wen you guys gotta move um out fo make room fo da new food you goin harves.

Haggai 2:19

No mo seeds inside da place fo store seed, cuz you wen plant um awready. An you stay wait fo da grape vine, da fig tree, da pomagram tree, an da olive tree dat goin give fruit. “ ‘But from today I goin do good kine tings fo you guys.’ ”

Matthew 13:30

Let um grow togedda till dey stay ready. Den pull out da weeds firs, an tie um togedda fo burn. Den harves da wheat, an put um inside da storage place.’ ”

Matthew 6:26

Look da birds dat fly in da sky. Dey no plant seed, get crops, an stash um, but yoa Faddah in da sky, he feed um. Try tink! You guys mo importan den dem.

Luke 12:18

I know wat I goin do! I goin bus up my store houses an make um mo big, an inside I goin store all my wheat an odda stuffs.

Rules Secon Time 14:29

Dass fo da Levi ohana peopo dat no mo land o odda property from Da One In Charge, an fo da peopo from anodda place, an fo da kids dat no mo faddah o muddah, an fo da wahines dat no mo husban, dat live inside yoa town. Dass wea fo dem come an get plenny fo eat. Den yoa God, Da One In Charge, goin do plenny good stuff fo you guys, wateva you start fo do.

Rules Secon Time 15:10

Make shua you give yoa braddah wat he need, an no make stingy kine bout wat you give him. Den, cuz you give to him, yoa God, Da One In Charge, goin do plenny good kine stuff fo you guys erytime, wateva you guys stay do.

Rules Secon Time 15:4

No goin get peopo dat no mo notting wit you guys. Cuz inside da land dat yoa God, Da One In Charge, stay give you guys cuz you his kids, he goin do plenny good kine stuff fo you guys.

Rules Secon Time 28:20

“Da One In Charge goin bring bad kine stuff on top you guys cuz you get kahuna on top you. Az why you goin come all hamajang, an peopo goin tell you guys dat you wrong no matta wat you guys do. Az how you guys goin come wipe out real fas, if you guys do bad kine stuff an go way from Da One In Charge.

Rules Secon Time 28:7

“Da One In Charge goin make you guys win ova da guys dat stay agains you guys, wen dey come fo attack you. Dey goin come fo you guys from one side, but dey goin run away to seven places wen you chase um.