Rules Secon Time 28:54 - Hawaii Pidgin Bible

⁵⁴ Even da mos easy an nice guy wit you guys dat get plenny aloha, he goin come greedy an no share food even wit his braddah o his wife dat he love, an his kids dat stay still yet.

Rules Secon Time 28:54 ပူးပေါင်းရင်းမြစ်များ

2 Samuel 12:3

Da odda guy, he ony get one girl kine bebe sheep dat he wen buy. He take kea um, an da sheep come big wit him an his kids. Da sheep eat his food, drink from his cup, an even go sleep wen he hold um. She come jalike his ohana!

Songs 103:13

Jalike one faddah guy Show choke plenny aloha fo his kids, Dass how plenny aloha Da One In Charge get Fo da peopo dat get respeck fo him!

Smart Guys 23:6

Wen one guy dat like get eryting, Tell you fo come his place fo grind, No go pig out All da fancy kine stuff he put in front you.

Smart Guys 28:22

Da greedy kine peopo Dat like come rich real fas, Dey donno dat bumbye, Dey goin come broke an no mo notting.

Isaiah 49:15

But Da One In Charge tell, “Eh! You tink one muddah goin foget Her bebe dat stay breas feed? You tink she no mo love an pity Fo da kid she wen born? No matta she foget, Me, no way I goin foget you Jerusalem guys!

Micah 7:5

No lissen da guy dat stay close to you. No trus yoa fren. Watch out bout wat you tell, Even to yoa wife.

Matthew 11:8

Den, wat you go ova dea fo see? One guy wit fancy kine clotheses, o wat? You know wat? Da guys dat wear fancy kine clotheses stay inside da king palace.

Matthew 20:15

I do wat I like wit da money I get, you know. You jealous cuz I mo good to dem, o wat?’ ”

Rules Secon Time 13:6

If yoa braddah, yoa muddah o faddah boy, o yoa boy o girl, o yoa wife dat you love, o yoa bestes fren talk to you wea nobody can hear an like try make you like do wass kapu fo you do, an tell, “Eh! Us go down in front odda gods,” no lissen dem. You guys an yoa ancestas neva know dose gods befo time.

Rules Secon Time 15:9

Make shua you guys no tink lidis: “Da year numba seven stay come nea, wen we gotta let go an foget bout wateva somebody owe us an let um go!” No good you tink lidat an come mean an no give yoa braddah guys notting wen dey no mo notting. If you make lidat, den az good fo dem tell Da One In Charge fo help dem go agains you, an you goin get da blame fo do wass bad.

Rules Secon Time 28:53

“Cuz a dat, you even goin eat yoa kids—da meat from da bodies a yoa boys an girls dat yoa God, Da One In Charge, wen give you guys. Cuz da peopo dat stay agains you guys goin put dea army guys all aroun you guys, an you guys goin suffa plenny.

Rules Secon Time 28:55

He no goin give even one a dem da meat from his mahke kids fo eat, da one he stay eat. Az goin be all he get, cuz da peopo dat hate you guys goin make you guys suffa plenny, wen dey put army guys aroun all yoa big towns.