Rules Secon Time 28:4 - Hawaii Pidgin Bible

⁴ Good kine stuff goin happen to yoa kids, da food you grow, da bebes from yoa animals—da bebe cows an bebe sheeps.

Rules Secon Time 28:4 ပူးပေါင်းရင်းမြစ်များ

Start 22:17

I goin make eryting come good fo you fo real kine. Da peopo dat goin come from you bumbye, I goin make dem come choke plenny peopo, jalike get plenny stars inside da sky an plenny sand on top da beach. An dey goin take ova da towns wea da peopo dat stay agains dem live.

Start 39:5

From da time da Egypt guy put Joseph in charge, Joseph God, Da One In Charge, make eryting come out real good, inside da house, inside da fields, an eryting Potifar own cuz a Joseph.

Start 49:25

God, he da God fo me, yoa faddah guy. I like fo God help you, Joseph, I like fo Da God Wit All Da Powa do good tings fo you. I like fo him make good kine stuff come down from da sky fo you, An good kine stuff from deep unda da groun, An give you plenny kids An plenny bebe animals!

Songs 107:38

God do good tings fo dem, An dey come choke plenny peopo. God no cut down da numba a dea animals.

Songs 127:3

You know wat? Da One In Charge Give peopo kids, Jalike dey one gif from him. Da ones born from you, Az jalike he give you someting good.

Songs 128:3

Yoa wife, inside yoa house, Goin be jalike one grape plant Dat give plenny grape. Yoa boys dat sit aroun yoa table, Goin be jalike da keikis Dat grow up aroun da olive tree.

Smart Guys 10:22

Wen Da One In Charge do good tings fo peopo, He give dem plenny good stuff. He no give problem same time.

Smart Guys 13:22

Da good kine peopo, dey save till dey mahke Fo da kids an da grankids get plenny from dem. Da peopo dat do bad kine stuff, dey save plenny stuff, But da whole ting go to da peopo dat do da right ting.

Smart Guys 20:7

Da kine guy dat do da right ting erytime An live so nobody poin finga him, His kids goin stay good inside, Even afta dea faddah mahke.

Prieses 26:9

“I goin make good to you guys. I goin give you guys plenny kids fo you come mo plenny peopo. I goin stick wit da deal I wen make wit you guys.

Rules Secon Time 28:11

Da One In Charge goin make eryting go good fo you guys, yoa kids, da bebes from yoa animals, an da food you grow from yoa groun. Dass wat he goin do inside da land he wen make one strong promise to yoa ancestas dat he goin give um to you guys.

Rules Secon Time 28:18

“God goin put kahuna on top you guys wen you born kids, wen you harves da food you grow, an wen yoa cows an sheeps born bebes.

Rules Secon Time 28:3

He goin make good kine stuff happen fo you guys inside da towns an all ova outside da country side.

Rules Secon Time 28:5

Good kine stuff goin happen wen you harves yoa food fo make yoa bread.

Rules Secon Time 7:13

He goin get love an aloha fo you guys, an do good tings fo you guys, an make you guys come plenny peopo. He goin do good tings fo yoa kids, same ting fo da food dat grow from yoa land—yoa wheat an barley, yoa new wine, yoa olive oil—da bebe cows, an da bebe sheeps an goats. Dass how goin stay inside da land dat he wen make da strong promise to yoa ancesta guys fo give you.

1 Timoty 4:8

Wen one guy work out fo make his body come strong, dass good fo some tings. But gotta do da tings dat God like. Dass good fo eryting, fo da life ova hea inside dis world, an fo da real kine life we goin get bumbye.