Rules Secon Time 28:36 - Hawaii Pidgin Bible

³⁶ “Da One In Charge goin make you an da king you wen put ova you go by anodda nation dat you guys an yoa ancestas neva know befo time. Ova dea, you guys goin go down in front odda gods dat peopo make from wood an stone.

Rules Secon Time 28:36 ပူးပေါင်းရင်းမြစ်များ

2 Kings 25:11

Nebuzaradan take away all da peopo dat still stay inside da big town, all da odda peopo, an all da army guys dat wen change fo go ova da Babylon king side. He da leada fo da king bodyguard, an he make all dem prisonas an take um Babylon side.

2 Kings 25:21

Ova dea, Riblah town inside da Hamat land, da king guys kill all dem. Az how plenny Judah peopo go way from dea land an come prisonas Babylon side.

2 Records 33:11

Az why Da One In Charge bring agains da Israel peopo da army leadas fo da Assyria king. Dey catch Manasseh, an make him prisona. Dey put one hook thru his nose, chain him up wit bronze metal leg chains, an make um walk all da way Babylon side.

2 Records 36:1

Da peopo inside da land take Josiah boy Jehoahaz an make him king inside Jerusalem afta his faddah mahke.

2 Records 36:17

God bring da Babylon king agains dem. Da Babylon army guys kill da young Israel guys wit swords inside da place dat stay spesho fo Da One In Charge. He no show pity fo nobody, da young guys an young wahines, o da ol guys an real ol peopo. God turn dem all ova to Nebukadnezzar.

2 Records 36:20

He take all da odda peopo Babylon side, da ones dat da army guys no kill. Dey come slaves fo him an his boys, till da Persia king ovathrow da Babylon govmen.

2 Records 36:6

Nebukadnezzar da Babylon king attack Jehoiakim. He chain him up wit bronze leg chains fo take him Babylon side.

Isaiah 39:7

Even some a yoa kids, da Babylon guys goin take dem away too. Da Babylon guys goin make yoa boys work fo da Babylon king inside his palace.”

Jeremiah 15:14

I goin let da peopo dat stay agains you guys Take you guys away Inside one land you guys donno from befo time. I goin do all dis cuz I stay real huhu wit you guys, Jalike one hot burning fire.”

Jeremiah 16:13

Az why I goin throw you guys outa dis land, an bring you inside one land dat you guys an yoa ancesta guys neva know befo time. Ova dea you guys goin work fo odda gods day time an nite time. Cuz I no goin give you guys chance.

Jeremiah 39:1

Dis how da Babylon guys take ova Jerusalem. Was da year numba nine, da month numba ten, wen Zedekiah stay king fo Judah. Nebukadnezzar, da king fo Babylon, come back Jerusalem side wit all his army guys. He put his army guys all aroun da town fo nobody go outside o come inside.

Jeremiah 9:15

Az why dis da message from Da One In Charge, da God Ova All Da Armies, da God fo da Israel peopo: ‘Dis wat I goin do. I goin make dis peopo suffa, jalike I give um da kine food dat taste real bad fo eat, an poison watta fo drink.

Sad Song 2:9

Da town gates fall down inside da dirt. Da One In Charge smash da bars fo da gates an wipe um out. Da king an da princes come prisonas an go to odda nations, No mo nobody teach Da Rules From God. Da guys dat talk fo Da One In Charge No see notting jalike dreams from him no moa.

Sad Song 4:20

Da leada guy dat Da One In Charge wen pick, dat make us guys stay alive, Dey wen catch him inside dea traps. Us wen tink us goin be one nation Wit him fo da main guy.

Ezekiel 11:9

I goin throw you guys outa Jerusalem! I goin turn you guys ova to da guys from anodda place fo dem take charge a you. Az how I goin punish you guys.

Ezekiel 20:39

“ ‘An fo you Israel ohana peopo, dis wat me Da One In Charge, da Boss, tell: All you guys go work fo yoa idol kine gods if you like! But fo shua, bumbye, you guys goin lissen me. I get one good rep cuz I stay good an spesho, an you guys no goin give me one pilau rep no mo wit yoa idol kine gods an da gifs you give um.

Rules Secon Time 28:64

“Den Da One In Charge goin make you guys go all ova wea diffren peopos stay, from one side a da world to da odda side. Wen you go dea, you guys goin go down in front odda gods, da kine gods dey make from wood an stone. You guys an yoa ancestas neva know dat kine gods befo time.

Rules Secon Time 29:17

You guys wen see dey had dea pilau idol kine gods dat dey make from wood an stone, silva an gold.

Rules Secon Time 4:27

Den Da One In Charge goin make you guys go all ova inside odda peopos land, an ony litto bit a you guys goin stay alive ova dea wit da odda peopos, wea Da One In Charge goin make you guys go.

Rules Secon Time 4:28

Ova dea you guys goin come one slave fo da kine idol gods dat peopo make from wood an stone. Dose gods, dey no can see o hear o eat o smell notting.

1 Samuel 12:25

But if you guys still do bad kine stuff, he goin take away you guys an yoa king.”