Rules Secon Time 28:18 - Hawaii Pidgin Bible

¹⁸ “God goin put kahuna on top you guys wen you born kids, wen you harves da food you grow, an wen yoa cows an sheeps born bebes.

Rules Secon Time 28:18 ပူးပေါင်းရင်းမြစ်များ

Sad Song 2:20

“Look, you Da One In Charge! Tink hard! You neva make lidis to odda peopo befo time! You tink da wahines suppose to kill dea kids an eat um, Da ones dat dey take kea dem, o wat?! You tink az good fo kill da pries guys an da guys dat talk fo you, Da One In Charge, Inside da Place Dat Stay Spesho Fo You?!

Prieses 26:26

Wen I take away da food from you guys, ony goin need one oven fo ten wahines bake litto bit bread fo dea ohana, cuz goin get ony litto bit flour. Dey goin bring back da bread fo you guys an weigh um so erybody get same same. You guys goin eat, but you not goin get enuff.

Habakkuk 3:17

No matta da fig tree no mo bud, No matta da grape plant no mo grape, No matta da olive tree no mo olive, No matta da fields no mo food, No matta da sheeps Mahke inside da pens, No matta da pens no mo cows,

Malakai 2:3

Cuz a wat you guys do, I goin tell da ones dat come from you guys az wrong wat dey do. I goin take da doodoo from da guts a da animals dat you kill fo da spesho religious ceremonies an rub um all ova yoa face. Den da pries guys goin throw you guys out wit da opala from da sacrifices.

Rules Secon Time 28:16

“God goin put kahuna on top you guys inside da towns an outside da towns.

Rules Secon Time 28:19

“God goin put kahuna on top you guys wen you come inside an wen you go outside.

Rules Secon Time 28:4

Good kine stuff goin happen to yoa kids, da food you grow, da bebes from yoa animals—da bebe cows an bebe sheeps.

Rules Secon Time 5:9

No go down in front odda gods fo show um love an respeck, an no work fo dem. Cuz I yoa God, Da One In Charge! An if you go down in front da odda gods, I one jealous God! I punish da peopo dat do bad tings. I go afta dem an I punish da ones dat hate me. An if dea kids do da same ting, I punish dem too, an same ting wit dea grankids, an even dea great-grankids.