Rules Secon Time 28:12 - Hawaii Pidgin Bible

¹² “Da One In Charge goin open up da sky wea he keep plenny good stuffs, fo sen rain on top yoa land da right time, an fo make eryting you guys do go good. Plenny peopos goin borrow stuff from you, but you guys no goin need borrow from nobody.

Rules Secon Time 28:12 ပူးပေါင်းရင်းမြစ်များ

1 Kings 18:1

Long time afta dat, da numba three year dat no mo rain, one message come from Da One In Charge fo Elijah: “Go talk to King Ahab. Cuz now, I goin make rain come down on top da groun.”

Job 38:22

“You wen go inside da places wea I stash da snow? You wen see da places wea da hail stay?

Songs 135:7

Da One In Charge, he da one Dat make da clouds come up From da mos far place in da world. He make da lightning an da rain. He da One dat make da wind come From da place wea he keep um.

Smart Guys 22:7

Da rich guys tell da guys dat no mo notting Wat dey gotta do. Same ting, da guys dat borrow money, Dey jalike one slave dat gotta do Wateva da guy tell um fo do Dat lend um da money.

Ezekiel 34:26

I goin do good tings fo my peopo, an fo all da place aroun da hill dat stay spesho fo me. I goin bring rain an dis goin be good fo da peopo.

Prieses 26:4

den I goin sen rain da right times fo you guys. Da groun goin grow food, an da trees inside da field goin give you fruits.

Rules Secon Time 11:14

den I goin bring rain on top yoa land da right time, da Octoba rain an da April rain. Den you guys goin harves da wheat an da barley, an get grape fo make new wine an olive fo make olive oil.

Rules Secon Time 14:29

Dass fo da Levi ohana peopo dat no mo land o odda property from Da One In Charge, an fo da peopo from anodda place, an fo da kids dat no mo faddah o muddah, an fo da wahines dat no mo husban, dat live inside yoa town. Dass wea fo dem come an get plenny fo eat. Den yoa God, Da One In Charge, goin do plenny good stuff fo you guys, wateva you start fo do.

Rules Secon Time 15:10

Make shua you give yoa braddah wat he need, an no make stingy kine bout wat you give him. Den, cuz you give to him, yoa God, Da One In Charge, goin do plenny good kine stuff fo you guys erytime, wateva you guys stay do.

Rules Secon Time 15:6

Cuz yoa God, Da One In Charge, goin do plenny good kine stuff fo you guys, jalike he wen make one promise fo do. You guys goin let plenny peopos borrow stuff from you, but you guys no need borrow stuff from nobody. You guys goin loan money to plenny peopos, but you no goin need odda peopo fo loan money to you guys.

Rules Secon Time 23:20

You can make peopo from anodda country pay interes, but not one braddah from Israel. Cuz you like yoa God, Da One In Charge, do good stuff fo you guys, wateva you do, inside da land he stay give you guys fo take ova.

Rules Secon Time 28:24

Da One In Charge goin make da rain come down dry jalike dus an jalike powda. Goin come down from da sky till you guys all come wipe out.

Rules Secon Time 28:44

Dey goin let you guys borrow stuff from dem, but dey no need borrow stuff from you. Dey goin be jalike da head, an you guys goin be jalike da tail.