Rules Secon Time 28:10 - Hawaii Pidgin Bible

¹⁰ Den all da diffren peopos on top da earth goin see dat Da One In Charge own you guys, an dey goin stay sked a you guys.

Rules Secon Time 28:10 ပူးပေါင်းရင်းမြစ်များ

1 Records 14:17

Dass how erybody all ova all da odda countries hear bout David, an Da One In Charge make all da peopos sked David.

2 Records 7:14

If dat kine ting happen, maybe den my peopo, da ones erybody know dey my guys, goin make um come not importan. Dey goin pray an try know me fo real kine. An dey goin no do da bad kine stuff dey wen do no moa. Wen dey do dat, den I goin lissen from da sky. I goin let dem go an hemo dea shame fo da bad kine tings dey wen do. An I goin make dea land come good one mo time.

Outa Egypt 12:33

Da Egypt peopo, dey all put presha on da Israel peopo fo go way quick from dea land, cuz da Egypt guys tink, “Bumbye all us guys mahke!”

Outa Egypt 14:25

God make da wheels fo dea war wagons come off fo no move how dey like. Da Egypt guys, dey figga, “Mo betta us guys get away from dose Israel guys, cuz dass dea god, Da One In Charge, stay fight fo dem, an agains us Egypt guys!”

Isaiah 63:19

From long time, us guys stay yoa peopo. But da ones dat stay agains us, You neva was da king fo dem. Nobody call dem yoa peopo.”

Jeremiah 14:9

How come you ack Jalike you donno wass happening?! How come you ack Jalike one army guy dat no can get us outa trouble?! You stay right hea wit us, Da One In Charge. Erybody know dat us guys yoa peopo. So no leave us!”

Jeremiah 33:9

Den plenny peopo goin know wat kine god me cuz a wat goin happen Jerusalem town. Peopo goin stay good inside, talk good bout me, an respeck me plenny. All da diffren peopos on top da earth goin hear bout all da good kine stuff dat I stay do fo da Jerusalem peopo. Dey goin feel real good, cuz a all da good kine stuff I do fo da peopo inside Jerusalem, an cuz I make eryting come good fo dem.”

Malakai 3:12

“Den all da peopos from diffren place goin tell You guys can stay good inside, Cuz yoa land, one real nice place. Dass wat I tell, An me Da One In Charge, Da God Ova All Da Armies.”

Census 6:27

Az how da pries guys goin give da Israel peopo my name, an I goin do good kine stuff fo dem.”

Jesus Guys 15:17

Den all da odda peopos, Dey can look fo Da One In Charge, An all da peopo dat stay mines Dass not Jew guys, Dey can look fo me too.

Rules Secon Time 11:25

Nobody goin stan up agains you guys. Oua God Da One In Charge goin make da peopo all ova da land come real sked a you guys, wea eva you go, jalike he make one strong promise to you awready.”

Rules Secon Time 2:25

From today, I goin make all da diffren peopos unda da sky come real sked a you guys. Dey goin hear bout you guys an come sked an shake, an worry plenny cuz a you guys.’ ”

Joshua 5:1

Dat time, da Amor peopo live da west side a da Jordan Riva. Da Canaan peopo live on da coast. Da king guys fo da Amor peopo an da Canaan peopo hear how Da One In Charge wen make da Jordan Riva come dry, fo us Israel peopo go across um. Az why dey wen come bum out. Dey lose fight an no like beef da Israel peopo.

Jesus Show 3:9

Get peopo dat come togedda inside one church, an tell dey God peopo. But fo real, dey Satan peopo. Dey ony bulai. I goin make dem come an go down in front you guys feet. An dey goin find out dat I get love an aloha fo you guys.