Rules Secon Time 27:24 - Hawaii Pidgin Bible

²⁴ “Da Levi guys goin tell: ‘God goin punish anybody dat murda one guy an nobody know he murda um!’ “All da peopo goin tell: ‘Az right!’

Rules Secon Time 27:24 ပူးပေါင်းရင်းမြစ်များ

2 Samuel 13:28

At da party, Absalom tell his guys, “Watch Amnon! Wen he get piloot from da wine, I goin tell you guys wack um! Kill um! No sked! I da one wen tell you guys fo do dis. Come strong, jalike you army guys!”

2 Samuel 3:27

Wen Abner come back Hebron side, Joab take him inside one small security guard room by da gate. He make jalike he like talk to Abner, jus dem two inside one quiet place. But fo pay back Abner fo kill Joab braddah Asahel, Joab stab Abner in da belly, an he mahke.

1 Kings 2:5

“One mo ting. You know wat Joab, my sistah Zeruiah boy, wen do to me. He wen go kill da two guys dat was da generals fo da Israel army, Abner, az Ner boy, an Amasa, Jeter boy. Joab wen do dat afta all da fighting pau. An he ack jalike still get war. So now, jalike get blood all ova his army clothes an stuff an all ova his army boots.

Outa Egypt 20:13

“No go murda nobody.

Prieses 24:17

“If somebody kill one guy o wahine, you guys gotta kill him.

Census 35:30

“Whoeva kill somebody gotta mahke cuz he kill um, but ony wen odda guys can tell da judge wat dey wen see happen. But no mo nobody gotta mahke if ony one guy tell wat he see happen.

Census 35:31

“No take money fo let go somebody dat wen kill anodda guy, an he suppose to mahke fo dat.