Rules Secon Time 27:20 - Hawaii Pidgin Bible

²⁰ “Da Levi guys goin tell: ‘God goin punish anybody dat sleep wit his faddah wife, cuz he goin make shame fo his faddah!’ “All da peopo goin tell: ‘Az right!’

Rules Secon Time 27:20 ပူးပေါင်းရင်းမြစ်များ

Start 35:22

Da time Israel stay dat side, Reuben go sleep wit Bilhah, dat was his faddah odda wife. Israel, he find out. Jacob had twelve boys.

Start 49:4

But eh! You not real strong inside, jalike da wave watta! Dass why from now you not goin get da rights dat da firs boy suppose to get! Cuz you wen make sex wit my odda wife, An do one pilau ting on top my bed dat time.

2 Samuel 16:22

Az why Absalom guys put up one tent fo him on top da flat roof a da palace. Den Absalom go inside fo make sex dea wit his faddah odda wifes wea all da Israel peopo can see wea he go.

1 Records 5:1

Reuben da firs boy fo born from Israel. (But Reuben wen sleep wit his faddah odda wife, an make pilau his faddah bed. Az why Israel take away his rights no matta he da firs boy fo born, an give da rights to Joseph boys. So dey no can count Reuben jalike da firs boy fo born, inside da record a da Israel ohana.)

Ezekiel 22:10

Inside yoa town get faddahs boys dat poke dea faddahs wife, an rape da wahines wen dey get dea period. Dass da time wen dey no can come in front me cuz dey no stay clean.

Prieses 18:7

“You betta not make sex wit yoa muddah. Az yoa muddah. No make shame fo yoa faddah lidat.

Prieses 18:8

“You betta not make sex wit yoa faddah odda wifes, cuz dat make shame fo yoa faddah too.

Prieses 20:11

“If somebody make sex wit his faddah wife, he no mo respeck fo his faddah. Da guy an da wahine, dey gotta mahke, cuz da two a dem get da blame fo wat dey wen do.

Amos 2:7

Da guy dat not strong, You Israel peopo push his face inside da dirt. Da guys dat get presha on top dem, You Israel peopo ack jalike dey no mo rights. Da faddah an his boy, dey go sleep wit da same girl. Cuz a all dat, peopo talk bad bout me, An I da One dass good an spesho, you know!

1 Corint 5:1

Fo real, some peopo tell dat one a you church guys stay fool aroun ova dea. Da guy stay do one mo worse ting den da peopo dat donno God. He even sleep wit his step muddah!

Rules Secon Time 22:30

One guy no can marry his faddah wife, cuz no good he make shame fo his faddah.

Rules Secon Time 23:1

Wen da peopo come togedda fo Da One In Charge, nobody can come wit dem if dea olos stay hurt cuz somebody wen smash o cut um.