Rules Secon Time 27:19 - Hawaii Pidgin Bible

¹⁹ “Da Levi guys goin tell dem: ‘God goin punish whoeva no make right in front da judge to one guy from some odda place, one kid dat no mo faddah o muddah, o one wahine dat no mo husban.’ “All da peopo goin tell: ‘Az right!’

Rules Secon Time 27:19 ပူးပေါင်းရင်းမြစ်များ

Outa Egypt 23:2

Even if get plenny peopo tell da same ting, no go togedda wit dem fo help um do someting bad. Wen you go in front da judge, no follow da oddas jus fo make um come good fo yoa frenz.

Smart Guys 17:23

Da bad guys, dey give money unda da table Fo make shua da judge no judge da right way.

Smart Guys 31:5

Bumbye wen dey drink, dey foget bout da rules from long time befo, An dey change um so da rules no good fo da peopo dat suffa plenny.

Prieses 19:33

“Wen somebody from anodda place come live wit you guys inside yoa land, no make any kine to dem.

Micah 3:9

“Lissen up now, you leada guys dat come from Jacob, An you main guys dat stay in charge a da Israel ohana! You guys tink az pilau, wen da judges judge da right way! You guys take eryting dass right, An make um come all kapakahi.

Malakai 3:5

Da One In Charge Ova All Da Armies tell dis too: “I goin go by you guys in front da judge right den an dea, I goin tell da judge wat I know bout you guys, Bout da ones dat make kahuna kine ceremony, An da ones dat fool aroun behind dea wife o husban back, An da ones dat make one strong promise but dey bulai, An da ones dat make trouble fo dea worka guys cuz dey no like pay um, An make trouble fo da widows an da kids dat no mo faddah o muddah, An da ones dat give one hard time to da peopo from anodda place. All dose peopo, dey no sked me!”

Rules Secon Time 10:18

He back up da kids dat no mo faddah o muddah, an da wahines dat no mo husban. He get love an aloha fo peopo from anodda place, an give um food an clotheses.

Rules Secon Time 24:17

Make shua you guys do da right ting fo da peopo from anodda place, an fo da kids dat no mo faddah o muddah. No take away da coat from one wahine dat no mo husban an keep um till she pay you back wat she owe you.