Rules Secon Time 27:18 - Hawaii Pidgin Bible

¹⁸ “Da Levi guys goin tell: ‘God goin punish anybody dat make one guy dat no can see, go da wrong way on top da road!’ “All da peopo goin tell: ‘Az right!’

Rules Secon Time 27:18 ပူးပေါင်းရင်းမြစ်များ

Start 27:12

If my faddah touch me, bumbye he figga I no mo respeck fo him. Den he go tell God fo do bad tings fo me, not good tings.”

Job 29:15

I was da eyes fo da guys dat no can see, An da feets fo da peopo dat no can walk.

Smart Guys 28:10

Wen somebody bulai good kine peopo Fo make um go da wrong way, Jalike dey stay dig one hole fo trap da good guys, But dey da ones goin fall inside. But da kine peopo dat do da right ting erytime, God goin give dem good tings Cuz dey his kids.

Isaiah 56:10

“Da guys dat stay lead my peopo, Dey all suppose to be watcha guys, But dey no can see, jalike dey blind. All a dem, dey donno notting. Dey jalike dogs dat no can bark. Dey ony lay down dea an dream. Dey ony like sleep, fo shua.

Prieses 19:14

“No talk harsh kine to one guy dat no can hear, jalike he no matta. No put someting in front one guy dat no can see fo him trip an fall down. Show choke respeck fo me, cuz I yoa God, Da One In Charge.

Matthew 15:14

Laytas wit dem awready! Dey jalike one blind guy stay go aroun, an show anodda blind guy wea fo go. Bumbye da two blind guys goin fall down inside one puka.”

Rules Secon Time 27:19

“Da Levi guys goin tell dem: ‘God goin punish whoeva no make right in front da judge to one guy from some odda place, one kid dat no mo faddah o muddah, o one wahine dat no mo husban.’ “All da peopo goin tell: ‘Az right!’

Jesus Show 2:14

“ ‘But eh! I get dis agains you guys: You guys get peopo ova dea dat make jalike da guy Balaam wen do long time befo time. Dat guy wen teach King Balak how fo make da Israel peopo do bad kine stuff. He make um eat food da odda peopo awready give fo make sacrifice to da idol kine gods, an go fool aroun wit peopo dey no stay married to.