Rules Secon Time 27:16 - Hawaii Pidgin Bible

¹⁶ “Den da Levi guys goin tell: ‘God goin punish anybody dat no mo respeck fo dea faddah an muddah!’ “An all da peopo goin tell, ‘Az right!’

Rules Secon Time 27:16 ပူးပေါင်းရင်းမြစ်များ

Start 9:25

Noah tell, “I like God make bad tings happen to da Canaan ohana! I like fo dem come jalike slave guys Fo do da kine work dat nobody like do Fo dea ohana guys!”

Outa Egypt 20:12

“Show respeck fo yoa faddah an yoa muddah. If you do dat, den you goin live long time on top da land dat me, yoa God, Da One In Charge, stay give you.

Outa Egypt 21:17

Anybody like put kahuna on top dea faddah o muddah, gotta kill um.

Isaiah 45:10

Bummahs! fo da bebe dat aks his faddah guy, ‘Wat kine bebe you stay making?!’ Bummahs! fo da bebe dat aks da muddah, ‘Wat kine bebe you goin born?!’ ”

Ezekiel 22:7

Da peopo in yoa town no mo respeck fo dea faddahs an muddahs. Dey put presha on top da peopo from anodda place. Dey do bad tings to da peopo dat no mo faddah o muddah, an to da wahines dat no mo husban.

Prieses 19:3

“Erybody gotta show plenny respeck fo dea muddah an faddah. An ery Res Day, you guys gotta follow my Rules an res. I yoa God, Da One In Charge.

Prieses 20:9

“If anybody put kahuna on top dea faddah o muddah jalike dey no matta, dey gotta mahke. Cuz dey put kahuna on top dea faddah o muddah, dey da ones get da blame, an dey gotta mahke.

Rules Secon Time 5:16

“Show respeck fo yoa faddah an muddah, jalike me, Da One In Charge, yoa God, wen tell you guys fo do. Den you guys goin live long time an eryting goin go good fo you guys on top da land I stay give you guys.