Rules Secon Time 27:15 - Hawaii Pidgin Bible

¹⁵ ‘God goin punish anybody dat make one idol kine god, no matta he make um wit wood an cut um wit one knife o melt metal fo make um, an den he put up da idol secret kine. Az pilau, da way Da One In Charge see um, cuz az ony someting one guy wen make!’ “Den all da peopo goin tell, ‘Az right!’

Rules Secon Time 27:15 ပူးပေါင်းရင်းမြစ်များ

Start 31:19

Dat time dey go, Laban awready stay inside da boonies fo cut da wool from his sheeps. Befo Rachel go, she steal da idol kine gods dat her faddah ohana pray to.

Start 31:34

But befo Laban go inside Rachel tent, Rachel take da idol kine gods an put um inside da saddle fo her camel, an sit down on top um. Laban open up eryting inside da tent an look inside. He neva find notting.

Start 9:25

Noah tell, “I like God make bad tings happen to da Canaan ohana! I like fo dem come jalike slave guys Fo do da kine work dat nobody like do Fo dea ohana guys!”

2 Kings 17:19

But even da Judah ohana neva do da tings dea God, Da One In Charge, tell um fo do. Dey do da same bad kine stuff dat da Israel peopo wen show dem.

2 Kings 23:13

An da king make um fo nobody use da sacrifice places on top da hills across Jerusalem, da south side a da Olive Ridge. Solomon, da king fo da Israel peopo, wen build dose places fo Ashtoret, da pilau wahine god fo da Sidon peopo, fo Kemosh, da pilau god fo da Moab peopo, an fo Molek, da god dat erybody hate, da pilau god fo da Ammon peopo.

1 Records 16:36

We like fo erybody talk good bout Da One In Charge, Da God fo da Israel peopo, foeva an eva! Den all da peopo tell, “Az fo shua!” an “Tell erybody dat Da One In Charge, he da greates!”

2 Records 33:2

He do bad kine stuff, da way Da One In Charge see um. He stay do da same pilau kine stuff jalike da peopos wen do dat Da One In Charge wen throw outa da land wen da Israel peopo come dea.

Outa Egypt 20:23

Dass why you guys betta not make idol kine gods outa silva o gold fo you pray to dem jalike you pray to me.

Outa Egypt 20:4

“No make idol kine gods fo you dat look jalike someting from up dea inside da sky, o from down hea on top da earth, o from inside da watta dat stay undaneat da groun.

Outa Egypt 34:17

“You no can make idol gods fo you pray to dem wit metal dat you melt.

Isaiah 44:13

Da guy dat make da idol kine god Use one string fo measure da wood, He mark da outside wit chalk Fo know wea fo cut um. He cut wit da chisel. He mark da roun part wit da compass. He shape um fo look jalike one guy, Jalike one real guy, an good looking, Fo da ting stay inside da house.

Isaiah 44:17

Wit da res a da wood Da guy make one statue fo come his god. He go down on top his face in front him. He show um love an respeck, An pray to um. He tell um, ‘Get me outa trouble Cuz you my god!’

Isaiah 44:19

Nobody stop fo tink. Nobody know o undastan. Dey no tell, ‘Wassup?! Half dat wood, I use um awready fo make fire. I even bake my bread on top da charcoal, An cook my meat an eat um. So, wot?! If I make one god from da odda half, Az pilau, dat! No good if I go down fo pray In front one piece wood!’

Jeremiah 11:3

Tell dem dat dis wat me, Da One In Charge, da God fo da Israel peopo, tell: Anybody dat no do wat my deal wit da Israel peopo tell, dey goin get kahuna put on top dem.

Jeremiah 11:5

Dass cuz I like do wat I wen make one strong promise fo do to yoa ancesta guys, fo give dem one land dat get plenny milk an honey erytime.’ Az da land you guys get today!” An me, Jeremiah, I tell Da One In Charge, “Az right!”

Jeremiah 23:24

If somebody go hide inside one place nobody know, You tink I no can see um, o wat?! But me, I fill up da sky an da earth!” Az wat Da One In Charge tell.

Jeremiah 28:6

“Az right! Good! I like fo Da One In Charge do dat too! I like Da One In Charge make happen all da tings you wen tell cuz you talk fo him! I like fo him carry back to dis place from Babylon, da stuff from da Temple Fo Da One In Charge! I like fo him bring back all da peopo dey wen make prisona an take Babylon side!

Ezekiel 14:4

“Az why you gotta talk to dem. Tell um, ‘Dis wat Da One In Charge, da Boss, tell: Maybe some Israel ohana guy tink ony bout dea idol kine gods. An maybe da guy like do da kine stuff dat bumbye goin make um do wass wrong. An den maybe dey go by one guy dat tell dat he talk fo me, Da One In Charge. But me, Da One In Charge, I goin talk to dem jalike dey peopo dat stay go down in front plenny idol kine gods.

Ezekiel 7:20

Dey get big head cuz dey get fancy kine jewelry, an dey use um fo make dea idol kine gods dat I hate. Az why I goin make dea stuff come all pilau.

Daniel 11:31

Army guys from da Syria king goin go inside da strong wall aroun da Temple Fo Da One In Charge. Dey no goin let da pries guys make sacrifices dey suppose to make ery day. Den dey goin put up one pilau idol kine statue inside da place dat stay spesho fo Da One In Charge, fo nobody pray to Da One In Charge dea no moa.

Daniel 9:11

All da Israel peopo wen make deaf ear fo da rules you wen teach, an go da odda way from you, an tell dat dey no goin lissen you. “Az why, jalike you wen drop on top us guys all da bad tings dat Moses yoa worka guy wen write down inside da rules. You wen make one promise dat dese bad tings goin happen if us guys no do da tings we wen make one deal wit you fo do. All dat bad stuff stay happen to us cuz we do bad kine stuff agains you.

Prieses 19:4

“No leave me fo make o follow idol kine gods, cuz dey no can do notting. An no pour hot metal fo make idol kine gods fo you. I yoa God, Da One In Charge, az why.

Prieses 26:1

“No make da kine no good idol kine gods fo you. No put up idol statues o big kine stones dat odda peopos put up fo dem pray in front. An no put up one stone you cut fo make someting inside yoa land, fo you go down in front um. Cuz I yoa God, me, Da One In Charge.

Census 5:22

I like fo dis watta dat put kahuna on top you, go inside yoa opu, fo make yoa belly swell up an yoa privates come any kine!’ “An da wahine goin tell, ‘Az right! Az how goin be.’

Matthew 24:15

“Daniel, da guy dat wen talk fo God befo time, he wen tell dat someting God hate plenny goin happen. Dat ting so horraz, goin make eryting come hamajang an make erybody bag from dea. Da ting goin stan inside da place dat stay spesho fo God. (Whoeva read dis, dey gotta watch out!)

Matthew 6:13

Show us guys how fo no do bad kine stuff Wen somebody give us chance fo do um, But get us outa trouble from da Bad Guy. [Cuz you oua King, You get da real powa, An you stay awesome foeva. Dass it!]’ ”

1 Corint 14:16

If you tell inside you how good God stay an you stay use one diffren kine language, an get one guy inside da meeting dat no undastan wat you tell, how he goin tell “Dass right!” wen you tell God, “Mahalo plenny!” wit da odda language? He no can cuz he no undastan.

Rules Secon Time 27:14

“Da Levi ohana goin yell to all da Israel peopo in one loud an high voice:

Rules Secon Time 29:17

You guys wen see dey had dea pilau idol kine gods dat dey make from wood an stone, silva an gold.

Rules Secon Time 4:25

Moses tell: “Afta you guys get kids an grankids, an live inside da land long time, if you guys come pilau inside, an make idol kine gods dat look jalike animals o odda tings, az real bad kine stuff you stay do, da way yoa God, Da One In Charge, see um. You guys goin make him come real huhu wit you!

Rules Secon Time 5:8

“No make idol kine gods fo you dat look jalike someting from up dea inside da sky, o from down hea on top da earth, o from inside da watta dat stay undaneat da groun.

Rules Secon Time 7:25

You guys goin burn up dea idol kine gods inside da fire. No make jalike you like take da silva o gold on top da idols, an no take dat fo you. Cuz all dat kine stuff no good, an can catch you guys jalike az one trap. Fo yoa God, Da One In Charge, all dat kine stuff pilau.

Local Leadas 17:3

He give back da twenny-eight poun silva to his muddah. She tell, “Now I make one strong promise fo give dis silva to Da One In Charge. Den I goin turn da silva ova to my boy, fo him make one idol, da kine peopo carve, an anodda idol, da kine peopo melt metal fo make um. I goin give da silva back to you.”

Local Leadas 17:4

Den he give back da silva to his muddah. So she take bout five an one half poun silva, an give um to one guy dat know how fo make stuff wit silva, an he use um fo make one idol, da kine peopo carve, an anodda idol, da kine peopo melt metal fo make um. Dey put um inside Micah house.

1 Samuel 26:19

Now, you da king, an you my boss. Az why I like you fo lissen wat I goin tell you. If Da One In Charge da One stay make you come agains me, den I goin make one sacrifice fo Da One In Charge, fo him smell um an know eryting stay good wit me an him, an den he no stay agains me no moa. But if all dis huhu jus come from peopo, I like Da One In Charge make shua dose buggahs get kahuna on top dem! Cuz wat get right now, is dis—dey wen throw me outa my land. Az why now, I no mo da right fo own my share dat Da One In Charge was suppose to give me! Jalike dey stay tell me, ‘Go way! Beat it! Go by da odda peopos an pray to dea gods, not oua God!’