Rules Secon Time 26:5 - Hawaii Pidgin Bible

⁵ Den you goin tell da pries guy in front Da One In Charge, “My ancesta guy come from da Aram land an move house all ova da place. He go Egypt side wit ony litto bit peopo, an stay ova dea. Bumbye dey come one importan nation, wit plenny peopo, an dey come strong.

Rules Secon Time 26:5 ပူးပေါင်းရင်းမြစ်များ

Start 12:2

“Da peopo dat goin come from you, Bumbye I goin make dem come one big, importan nation. Dey goin get good rep An make good tings happen to odda peopos. I goin make you one big name guy, An you goin make good tings come fo odda peopo.

Start 24:4

You gotta go my land, da land wea I born, fo find one wahine fo come my boy Isaac wife.”

Start 25:20

Wen Isaac was 40 year ol, he marry Rebecca. Her faddah, Betuel da Aram guy from Paddan-Aram. Rebecca get one braddah, Laban da Aram guy.

Start 27:41

From dat time, Esau stay huhu wit Jacob, cuz dea faddah wen tell Jacob an not him all da good tings dat he like Da One In Charge do fo his boy Jacob bumbye. Esau tink, “Bumbye my faddah guy mahke, an afta da funeral time, den I goin kill my braddah Jacob!”

Start 28:5

Den Isaac tell Jacob fo go Paddan-Aram side, by Jacob uncle Laban. Laban faddah was Betuel da Aram guy, an Laban sistah was Rebecca, Jacob an Esau muddah.

Start 31:20

Jacob, he neva tell Laban da Aram guy dat he goin go, so he neva know notting dat dey was goin leave.

Start 31:24

But nite time, God let Laban da Aram guy see um inside one dream. God tell Laban, “Watch out! No say notting to Jacob, bad kine o good kine!”

Start 31:40

Dis how was: I work day time wen too hot fo work, an nite time wen come real cold, an I no can sleep.

Start 43:12

Take double da silva you guys goin need. Plus, dat silva dat dey wen give back inside yoa bags, take all dat back to da guy. Maybe somebody wen make one mistake lidat.

Start 45:11

I goin make shua all you guys get enuff food ova dea wen you come, cuz still goin be five mo year dat no goin grow food notting. I goin make shua I take kea a you guys, all yoa ohana peopo, an eryting you get, fo you no mahke cuz no mo notting fo eat.’

Start 45:7

Az how come God wen sen me hea befo you guys come fo make shua you guys an yoa kids da ones dat goin stay alive hea inside da world. God wen like do someting awesome so you guys come out okay an no goin mahke.

Start 46:27

Inside Egypt, Joseph get two boys dat wen born dea. So [wit Jacob an Joseph], az 70 peopo da Jacob ohana peopo get, Egypt side.

Start 47:27

Dass da story, how Israel (dass Jacob) wen move house Egypt side. He make house Goshen side, an his ohana get da right fo stay dea too. Da peopo get plenny kids, az how dey come plenny peopo.

Start 47:4

Us guys come dis side fo live, cuz ova dea Canaan side, da grass dry up, an no mo food fo da animals eat. Us yoa slave guys now, so try let us guys stay Goshen side.”

Outa Egypt 1:12

But no matta da Egypt peopo still give da Israel peopo real hard time erytime, da Israel peopo come mo plenny still yet. Erytime da Egypt guys see one Israel guy, bodda dem plenny an make dem sked.

Outa Egypt 1:5

Joseph, he awready stay Egypt side, da time all da ohanas wen go dea. Had seventy peopo from Jacob ohana dat wen go Egypt wit him.

Outa Egypt 1:7

But da Israel ohana peopo (az Jacob dem), dey get plenny kids an grankids. Dey come choke plenny peopo an dey fill up da land.

Hosea 12:12

Jacob wen run away to da Aram land. He work ova dea fo get one wife. He take kea dea sheeps fo pay fo her.

Hosea 12:13

But wen Da One In Charge bring da peopo dat come from Jacob outa Egypt, He sen one guy Moses dat talk fo him, An dass how he wen take kea all a dem.

Jesus Guys 7:15

Dass how Jacob go Egypt side. Bumbye he mahke, an oua ancesta guys, dey mahke too.

Rules Secon Time 1:10

Yoa God, Da One In Charge, make you guys come plenny peopo awready. Az why today you guys stay plenny jalike da stars inside da sky.

Rules Secon Time 10:22

Wen all yoa ancesta guys wen go down Egypt side, dey ony was seventy peopo. But now, yoa God, Da One In Charge, make you guys real plenny peopo, jalike da stars inside da sky.”

Rules Secon Time 26:4

Da pries guy goin take da basket from yoa hands, an put um down in front da altar fo yoa God, Da One In Charge.

Rules Secon Time 7:7

“Da One In Charge like you guys. Az why he pick you guys. But he neva do um cuz you guys get mo plenny peopo den da odda peopos, cuz dat time, you guys ony litto bit peopo.