Rules Secon Time 25:9 - Hawaii Pidgin Bible

⁹ den da braddah widow goin go by him in front da older leadas, take off one a his slippas, spit in his face, an tell, “Dis wat oua peopo do to one guy dat no do notting fo his braddah guy blood line!”

Rules Secon Time 25:9 ပူးပေါင်းရင်းမြစ်များ

Job 30:10

Dey ack jalike I pilau, An stay far from me. Dey no shame spit on my face.

Isaiah 20:2

Dat time, Da One In Charge wen tell me, Isaiah, Amoz boy, fo talk fo him. He tell me, “Hemo da burmbag cloth from yoa body, an take off da slippa from yoa feets.” So I do dat. I take um off an go naked an barefeet.

Isaiah 50:6

Get guys dat wen wack my back wit whips, An I let um wack me. Get guys dat wen pull out my beard, An I let um. I no hide from da guys dat like make me come shame An spit on my face.

Census 12:14

Da One In Charge tell Moses, “If her faddah wen spit in her face, den she wen come shame fo seven day. Kay den, make her stay outside da camp seven day. Afta dat, bring her back inside.”

Matthew 26:67

Den dey spit on top Jesus face, an punch him, an some guys slap his head.

Matthew 27:30

An da army guys spit on him, an take da stick an wack him on top his head plenny times.

Mark 1:7

Dis wat he tell, “Afta me goin come anodda guy. He get mo powa den me. An you know wat? I not even importan enuff fo go down an help him hemo his slippas.

Mark 10:34

Dey goin make fun a me, an spit on top me, an whip me, an kill me. But on day numba three, I goin come back alive.”

John 1:27

I wen start fo teach firs befo him, but I not spesho enuff even fo help him hemo his slippas.”

Rules Secon Time 25:10

An da Israel peopo goin call da guy an his kids, “Da ohana from da guy dat dey wen take away his slippa.”

Rules Secon Time 25:8

Den da older leadas fo da guy town goin tell um fo come, an dey goin talk wit him. If he still yet tell, “I no like marry her,”

Ruth 4:6

“Da guy dat get da right fo buy da land tell, ‘Eh, if dass how stay, den I no can. Cuz if I buy um, my land go fo da Elimelek line, an no go fo help my kids. Mo betta I give you my right fo buy dat piece land fo da ohana, cuz no way I can buy da land an take da wahine too!’ ”

1 Samuel 2:30

“ ‘Me, Da One In Charge, da God fo da Israel peopo. Az why I tell you dis: I wen make one promise dat yoa ohana, an yoa ancesta Aaron ohana, goin live in front me foeva. But cuz me Da One In Charge, I tell you dis too: No way goin be how stay now! Cuz da peopo dat show respeck fo me, I goin show respeck fo dem. But da peopo dat make to me jalike I notting, I goin put kahuna on top dem!