Rules Secon Time 25:13 - Hawaii Pidgin Bible

¹³ Wen you sell stuff, no go rip off somebody wit diffren kine weight fo you make some stuff look mo heavy an some stuff mo light.

Rules Secon Time 25:13 ပူးပေါင်းရင်းမြစ်များ

Smart Guys 11:1

Wen somebody make da scale go off fo cheat peopo, Dat kine make Da One In Charge sick! But wen dey get da weight right, Dass wat he like.

Smart Guys 16:11

Da scales you use fo weigh stuff, Fo Da One In Charge, dey gotta be right. Eryting you use fo measure stuff, Az his kuleana.

Smart Guys 20:10

Maybe you use one stone dass too heavy Fo weigh wat you goin sell to one guy, But you use one light stone Fo weigh da same ting fo sell to anodda guy. O maybe you use two diffren kine measure Wen you sell stuff to diffren peopo, Da way Da One In Charge see um, az pilau!

Smart Guys 20:23

If you use one stone dass too heavy Fo weigh wat you goin sell one guy, An you use one light stone Fo weigh da same ting fo sell to anodda guy, Da way Da One In Charge see dat, az pilau! Az no good, use scale dat bulai Wen you sell stuff.

Amos 8:5

You guys, dis wat you tink, aah? ‘Us guys no like wait fo da new moon time Wen da religious kine ceremonies all pau! Cuz us guys like sell food. But no can, till da religious kine ceremonies all pau! An us guys no like wait fo sell da wheat Till da Res Day pau. Us guys goin make uku pile a money, Cuz da measure us guys use, Goin be mo small den suppose to be. We goin take da money from da peopo Fo mo den wat dey suppose to pay. Den, wateva dey buy, We goin jam up da scale too.

Rules Secon Time 25:14

An no rip off somebody wit diffren kine basket fo you make some stuff look mo big an odda stuff look small.