Rules Secon Time 24:15 - Hawaii Pidgin Bible

¹⁵ pay him wat you owe him fo wat he do ery day befo da sun go down, cuz he no mo notting an he need um fo live. If you no pay him, he goin call Da One In Charge fo go agains you, an you goin get da blame fo do someting bad.

Rules Secon Time 24:15 ပူးပေါင်းရင်းမြစ်များ

Job 31:13

“If I no do da right kine ting fo my worka guys an wahines, An dey squawk agains me,

Job 31:38

“If da land I wen farm yell agains me, So all da place I plow stay wet wit crying,

Job 34:28

Da bad guys make da peopo dat no mo notting yell loud fo God help um. Wen da pooa peopo yell fo help, God lissen!

Job 35:9

“Peopo yell fo help wen dey stay unda plenny presha. Dey beg fo help cuz get plenny peopo wit powa.

Job 7:2

Dey all jalike slave guys dat fo real kine like stay in da shade but no can. O jalike one guy dat gotta wait till his boss pay him.

Songs 24:4

Da prieses tell: “Ony da kine peopo Dat do good an tink good can go dea, Jalike dey get clean hands An stay clean inside. Da ones dat no like show Love an respeck Fo da wase time kine idol gods, An wen dey make one promise, Dey no bulai bout him.

Songs 25:1

Eh! You Da One In Charge! I stay trus you fo eryting inside.

Songs 86:4

You my Boss, so make nice to me, Cuz I trus you fo eryting inside.

Isaiah 5:7

“So, az da story bout dis peopo! Da One In Charge, Da God Ova All Da Armies, His grape field, dass da Israel peopo! An da plantation dat make Da One In Charge feel good inside Wit plenny love an aloha, Dass da peopo from da Judah districk. Da One In Charge wait fo peopo Fo judge da right way, But dey ony stay kill each odda! He wait fo peopo fo do da right ting erytime, But dey ony make each odda yell fo somebody help dem.”

Jeremiah 22:13

Da One In Charge tell dis: “Ho, King Jehoiakim! He all jam up! Cuz wen he build his palace, He neva do wass right, fo pay fo um. He bulai da peopo dat help him Fo him make da rooms upstairs. He make da guys from his peopo work fo notting. He no pay dem fo dea work.

Prieses 19:13

“No put presha on anodda guy o steal from him. “No hold back da pay fo yoa worka guy till da nex day.

Prieses 25:35

“If get Jew guys dat no mo notting, an no can work, help dem jalike you help one guy from anodda place o one guy dat live nea you fo one short time. Den okay fo dem live wit you guys.

Malakai 3:5

Da One In Charge Ova All Da Armies tell dis too: “I goin go by you guys in front da judge right den an dea, I goin tell da judge wat I know bout you guys, Bout da ones dat make kahuna kine ceremony, An da ones dat fool aroun behind dea wife o husban back, An da ones dat make one strong promise but dey bulai, An da ones dat make trouble fo dea worka guys cuz dey no like pay um, An make trouble fo da widows an da kids dat no mo faddah o muddah, An da ones dat give one hard time to da peopo from anodda place. All dose peopo, dey no sked me!”

Matthew 20:8

“Wen da sun go down, da grape farm owna guy tell da luna, ‘Tell da worka guys fo come, an pay um dea money. Start wit da las guys, all da way to da firs guys.’

Mark 10:19

You know da Rules From God: No go kill nobody, no go fool aroun behind da husban o wife back, no rip off nobody, no bulai any kine bout nobody, no cockaroach nobody, show respeck fo yoa faddah an muddah.”

Rules Secon Time 15:9

Make shua you guys no tink lidis: “Da year numba seven stay come nea, wen we gotta let go an foget bout wateva somebody owe us an let um go!” No good you tink lidat an come mean an no give yoa braddah guys notting wen dey no mo notting. If you make lidat, den az good fo dem tell Da One In Charge fo help dem go agains you, an you goin get da blame fo do wass bad.

1 Timoty 5:18

Cuz da Bible tell, “Wen da cow stay work fo smash da wheat fo you take out da junks, no go tie up his mout fo him no eat da wheat.” An, “Da worka guy suppose to get da pay fo wat he do.”

James 5:4

Tink bout da guys dat wen bus ass inside yoa fields. You guys was suppose to pay dem fo da work dey wen do, but you guys neva. Dat show fo real kine how bad you guys stay. Da same guys dat wen harves da ripe food, dey stay make big noise. But you know wat? Da One In Charge Ova All Da Armies, he stay lissen dem!