Rules Secon Time 24:13 - Hawaii Pidgin Bible

¹³ Give him back his coat befo da sun go down ery day, fo him sleep inside um. Den he goin tell you “God goin do good tings fo you,” an yoa God, Da One In Charge, goin know dat you wen do someting good.

Rules Secon Time 24:13 ပူးပေါင်းရင်းမြစ်များ

Start 15:6

Abram trus Da One In Charge fo do wat he tell he goin do. An Da One In Charge, he tink, “Dis guy get um right wit me cuz he trus me.”

Songs 112:9

Da good kine peopo Stay give good kine stuff To da pooa peopo all ova da place. An cuz dey do da right ting erytime, Good tings goin happen to dem foeva. Peopo goin respeck dem, An cuz a dat, dey goin come Mo an mo strong.

Outa Egypt 22:25

If you lend money to my peopo, da ones dat no mo notting dat live dea wit you, no make jalike dat yoa biznis. No make um pay back you guys wit interes money.

Isaiah 58:8

“Den, wen dass how you ack, Goin be jalike wen da sun come up— Erybody goin see Dat you guys get life from me, Da One In Charge. All da place you get cut an scratch, New skin goin grow dea real quick. Cuz you stay do da right ting erytime You goin know wea fo go. An cuz Da One In Charge stay awesome He no goin let nobody come from behind you fo hurt you.

Ezekiel 18:12

He do bad kine tings to da peopo dat no mo notting, az da ones dat need help. He rip off peopo too. Wen he loan money an keep someting da odda guy own fo make shua da guy pay um back, den wen da odda guy pay wat he owe, dis guy no give back da ting right den an dea. He trus da idol kine gods. He do pilau kine stuff.

Ezekiel 18:16

He no do bad kine tings to nobody. Wen he loan money, he no keep someting da odda guy own fo make shua da odda guy pay um back. He no loan money fo him get plenny mo money back, o take extra money on top dis. He no rip off nobody. He share his food wit da guy dat stay hungry. He share clotheses wit da guy dat no mo clotheses.

Ezekiel 18:7

Dat kine guy no put presha on top nobody. An wen he loan money an keep someting da odda guy own fo make shua da guy goin pay um back, den, wen da odda guy pay wat he owe, da guy dat wen loan um, he give back da ting right den an dea. He no rip off nobody. He share his food wit da guy dat stay hungry. He share clotheses wit da naked guy.

Ezekiel 33:15

O maybe he make lidis: He wen loan stuff to somebody an keep some a dea property fo make shua dey pay um back. But now he give back wat he keep. O maybe he rip off someting from somebody befo time, an now he give um back. Now he stick wit wat I tell da peopo dey gotta do fo live, an he no do bad kine stuff no moa. Dat guy goin stay alive fo shua. He no goin get cut off from me.

Daniel 4:27

“Eh King Nebukadnezzar, az why I like you lissen an do wat I tell you now: Throw out all da bad kine stuff you wen do awready! Do wat stay right! Throw out all da tings you wen do fo go agains God! Make good to da peopo dat suffa plenny! Den maybe you can stay king long time.”

Amos 2:8

You Israel peopo, you even lie down On top da clotheses dat odda peopo wen leave dea Nex to da altar fo make sacrifice, Till da peopo pay wat dey owe. Plus, you Israel peopo, You take da money dat peopo pay fo one fine An use um fo buy wine Fo ony you suck um up, Right dea inside da temple fo yoa god.

Efesus 4:26

If you guys huhu, no do bad kine stuff cuz a dat. No stay huhu. No good da sun go down an you guys still yet stay huhu, you know.

Rules Secon Time 24:12

If da guy no mo notting, an he ony can give you his coat, no go sleep wen you get da coat wit you still yet.

Rules Secon Time 24:15

pay him wat you owe him fo wat he do ery day befo da sun go down, cuz he no mo notting an he need um fo live. If you no pay him, he goin call Da One In Charge fo go agains you, an you goin get da blame fo do someting bad.

Rules Secon Time 6:25

If we lissen up real good an get respeck fo oua God, dass Da One In Charge a us, an do all da stuff he tell us fo do in front him, den we goin get um right wit him, jalike he wen tell us guys.’ ”

James 1:27

God oua Faddah, he figga lidis: Da guy dat stay religious fo real kine, an no do notting pilau, he da one goin kokua da peopo dat get hard time—da kids dat no mo faddah o muddah, an da wahines dat no mo husban fo take kea dem. Dat kine guy, he no goin let da peopo inside da world make him do bad kine stuff.