Rules Secon Time 23:8 - Hawaii Pidgin Bible

⁸ Da Edom an da Egypt peopo grankids can come togedda wit da peopo a Da One In Charge.

Rules Secon Time 23:8 ပူးပေါင်းရင်းမြစ်များ

Start 25:25

Da firs one come out get red skin an choke plenny hair all ova. Az why dey call him Esau, cuz soun kinda like “plenny hair,” dea language.

Start 25:26

Afta dat, da odda braddah come out. He stay holding Esau heel wit his hand. Dass how come he get da name Jacob, cuz soun kinda like “grab heel,” dea language, an soun kinda like “take ova” too. Wen da boys wen born, Isaac 60 year ol.

1 Kings 3:1

King Solomon wen let da Pharaoh guy, da King fo Egypt, make one deal wit him. Fo set up da deal, Solomon wen take da Pharaoh guy daughtah an marry her. He bring her David Town, az Jerusalem. She stay inside Jerusalem long time, till King Solomon pau build his palace, an da Temple Fo Da One In Charge, an da wall aroun da town.

Ezra 9:1

Wen all dat pau, da leada guys come by me. Dey tell, “Da Israel peopo, prieses an Levi ohana guys an regula kine peopo, dey no ack jalike dey spesho fo God. Dey stay come jalike da odda peopos dat donno God, dat live inside dis land an odda lands. Oua peopo stay do da same pilau kine stuff jalike da Canaan peopo, da Het peopo, da Periz peopo, da Jebus peopo, da Ammon peopo, da Moab peopo, da Egypt peopo, an da Amor peopo.

Outa Egypt 22:20

Anybody go make one sacrifice to anodda god dass not Da One In Charge, gotta wipe um out.

Prieses 19:34

Somebody from anodda place dat live wit you guys, you gotta make to dem jalike to one guy dat born same place by you guys. Get love an aloha fo da guy, jalike you get love an aloha fo you. Cuz you guys wen stay Egypt side, an you guys not from dea. I yoa God, Da One In Charge.

Obadiah 1:10

Cuz you guys wen go bus up Da peopo dat come from yoa ancesta braddah Jacob, You goin get plenny shame. You guys goin come wipe out foeva.

Rules Secon Time 10:19

An you guys gotta get love an aloha fo da peopo from anodda place, cuz you guys wen come from anodda place wen you stay inside Egypt.

Rules Secon Time 23:7

No make to da Edom peopo jalike dey pilau, cuz dey da Esau ohana, yoa braddahs. An same ting fo da Egypt peopo, cuz dey let you guys live in dea country no matta you no was from dea.

Rules Secon Time 23:9

Wen you guys make camp fo go fight da peopo dat stay agains you, no go nea notting pilau.

1 Samuel 30:11

Dey spock one young guy from Egypt inside da country side, an dey bring him by David, an give him watta fo drink, an food fo eat.