Rules Secon Time 23:19 - Hawaii Pidgin Bible

¹⁹ No make yoa braddah pay interes wen you let him borrow silva o food, o wateva odda ting peopo pay interes fo.

Rules Secon Time 23:19 ပူးပေါင်းရင်းမြစ်များ

Songs 15:5

Dey no charge extra interes Wen dey lend money. Dey no take dirty money From somebody dat like hurt one guy Dat neva do notting bad.” Dass wat God tell. Dat kine peopo, dey da ones Dat goin stan solid foeva!

Outa Egypt 22:25

If you lend money to my peopo, da ones dat no mo notting dat live dea wit you, no make jalike dat yoa biznis. No make um pay back you guys wit interes money.

Isaiah 24:2

Goin be same same fo all a dem, Da pries guys an da regula peopo, Da slave guys an da boss guys, Da worka girl an da lady she work fo, Da guy dat buy stuff an da guy dat sell stuff, Da guy dat lend stuff an da guy dat borrow, Da loan shark guys an da guys dey wen lend um.

Jeremiah 15:10

Den I tell: “Bummahs! Cuz my muddah wen born me Fo be da kine guy dat dis whole land like fight me An fight bout me. But I neva len nobody notting, An nobody borrow notting from me. Still yet, dey all like put kahuna on top me!”

Ezekiel 18:13

He loan money fo him get plenny mo money back, o he take extra money on top dis. You tink dat kine guy goin get da real kine life, o wat?! No ways! He no goin get da real kine life! Cuz he do all dat pilau kine stuff, he goin bleed an mahke fo shua, an he goin get da blame fo da kine stuff he wen do.

Ezekiel 22:12

Inside yoa town get guys dat take unda da table money fo go kill somebody. You lend money but charge choke plenny interes, an scam odda peopo. An you guys wen foget me too. Az wat me Da One In Charge, da Boss, tell.