Rules Secon Time 21:17 - Hawaii Pidgin Bible

¹⁷ He gotta make shua dat da boy dat come from da wife he no love, an he da one wen born firs, his faddah gotta give him double da stuff he give da odda boy. Cuz goin be da firs boy dat show how strong his faddah stay. Dass why he get da rights cuz he da firs one fo born.

Rules Secon Time 21:17 ပူးပေါင်းရင်းမြစ်များ

Start 49:3

“Reuben! You my numba one boy. You wen born wen I was mo strong. You da numba one in da blood line, An da mos importan one fo get powa.

2 Kings 2:9

Afta dey go da odda side, Elijah tell Elisha, “Befo Da One In Charge take me up inside da sky an away from you, tell me wat you like me do fo you.” Elisha tell, “I like you give me double da powa inside my spirit den you get.”

2 Records 21:3

Dea faddah wen give dem plenny present: silva, gold, an real good kine stuffs, an towns dat get strong wall inside Judah, but he make Jehoram da king, cuz he da boy dat wen born firs.

Songs 105:36

Den he wipe out All da numba one boys Inside dea land, Da spesho ones, Dat was goin make dea peopo strong.

Luke 15:12

Da younga boy tell his faddah, ‘Eh Daddy! Give me my share from all you get.’ Den da faddah split all he get an give da boys dea share.

Rules Secon Time 21:16

den wen he make one will fo give his land to his boys, he no can give mo plenny land to da boy from da wife he love, but not to da boy dat born firs dat come from da wife he no love. Cuz da boy dat born firs from da wife he no love get da right fo own mo land den da odda one.

Jesus Show 3:14

Den da One I wen see tell me, “Da messenja guy I wen sen fo help da peopo dat come togedda fo church Laodicea side, write one letta to him, an tell um dis: “Da One dat stay true, he tell eryting jalike happen fo you trus wat he tell. He da one wen start eryting dat God make inside da world. Dis wat he tell: