Rules Secon Time 20:6 - Hawaii Pidgin Bible

⁶ Get anybody hea dat jus wen plant one grape farm, an no harves da grapes yet? Okay fo dem go home, cuz if dey mahke wen dey fight, den some odda guy goin harves da grapes.

Rules Secon Time 20:6 ပူးပေါင်းရင်းမြစ်များ

Isaiah 65:22

Not like befo time, Wen you build house, Odda peopo take um away an live inside um. O you plant stuff, Odda peopo take um away an eat um. Dass how was! Jalike one tree can live long time, My peopo can live long time too. All da stuff da peopo I pick make wit dea hands, Dey goin use um, long time.

Jeremiah 31:5

You guys goin plant grape fields one mo time On top da hills aroun Samaria town. Afta da year wen dey give da new grapes to me, Da One In Charge, Den da farma guys dat plant um Can eat da grapes.

Zefaniah 1:13

Dat kine peopo, goin get all dea rich kine stuffs rip off. An dea houses all bus up. Dey goin build houses, But dey no goin live inside um. Dey goin plant grape fields, But dey no goin drink da wine.”

1 Corint 9:7

Eh, look da army guys. Dey no gotta buy dea food an clotheses. An da guys dat plant da grape, nobody goin tell dem, “No eat da grape!” Da sheep guy too, az okay fo him use da milk from da sheeps.

Rules Secon Time 20:5

Den da main army officers goin tell da army guys, “Anybody hea jus wen build one house, an no make party fo start fo live inside still yet? Okay fo dem go home, cuz if dey mahke bumbye wen dey fight, den some odda guy goin start fo live inside dat house.

Rules Secon Time 20:7

Get anybody hea dat wen make one promise to one wahine dat he goin marry her, but neva marry her still yet? He can go home, cuz if he mahke wen he fight, den some odda guy goin marry her.”