Rules Secon Time 2:7 - Hawaii Pidgin Bible

⁷ An Moses tell, “Cuz oua God, Da One In Charge, do plenny good stuff fo us guys, an make eryting us guys make come out good. He take kea us guys inside da big boonies. He stay wit us guys fo all dis forty year, an us neva need notting eva.

Rules Secon Time 2:7 ပူးပေါင်းရင်းမြစ်များ

Start 12:2

“Da peopo dat goin come from you, Bumbye I goin make dem come one big, importan nation. Dey goin get good rep An make good tings happen to odda peopos. I goin make you one big name guy, An you goin make good tings come fo odda peopo.

Start 24:35

Da One In Charge, he do plenny good tings fo my boss. Abraham one importan guy awready. God give um sheeps, goats, cows, silva an gold, guys an wahines fo slaves, camels, an donkeys, eryting.

Start 26:12

Dat year, Isaac plant seeds inside da Gerar land. An from ery bag wheat seeds dat Isaac plant, he get hundred bag wheat! Da One In Charge give him da powa fo do plenny,

Start 30:27

But Laban tell um, “I no like you go, but I like tell you one mo ting, cuz I yoa fren. I know I stay rich awready, an Da One In Charge do plenny good kine stuff fo me, cuz a you.

Start 39:3

Da owna guy Potifar see dat, an know dat Da One In Charge stay make Joseph so eryting he do come good.

Start 39:5

From da time da Egypt guy put Joseph in charge, Joseph God, Da One In Charge, make eryting come out real good, inside da house, inside da fields, an eryting Potifar own cuz a Joseph.

Nehemiah 9:21

Forty year, you wen make shua Dey get eryting dey need fo live inside da boonies. Az all dey wen need, Cuz dea clotheses neva come boros, An dea feets neva swell up.

Job 23:10

But still yet, he know wat way I pick. Wen he tes me, I goin come jalike pure gold.

Songs 1:6

Cuz Da peopo dat stay right Wit Da One In Charge, He know wat dey stay do. But Bummahs fo da peopo Dat broke his Rules!

Songs 107:4

Some a dem go all ova da boonies Cuz dey donno wea dey was going. Dey no can find one town Fo make house dea.

Songs 31:7

You stay tight wit me cuz I yoa guy, An dass how come I goin stay Real good inside. Cuz you wen see how I stay All sore inside, An you know da hard times I get.

Songs 90:17

Eh God! You da Boss fo us guys! We like you make real nice To us guys! Da work us do, Make um come out good. Az right, make all dat work we do Come out good!

Outa Egypt 16:35

Da Israel peopo eat da manna fo forty year, all da time till dey get to da land wea dey goin make house. Wen dey come jus outside da Canaan land, den no mo da manna no moa.

Jeremiah 2:2

“Go tell dis Fo all da peopo inside Jerusalem hear you. Da One In Charge tell, ‘I no foget how you guys was, young time. You guys was real tight wit me, Jalike one bride dat get plenny love an aloha fo da guy she marry. You guys wen stay tight wit me all da way thru da boonies, Even da places wea no can plant seeds notting.

Hosea 13:5

I wen take kea yoa ancesta guys inside da boonies, Wea stay real hot an dry.

Amos 2:10

But wot! Was me dat wen bring you guys Outa da Egypt land to dis side. Forty year, I wen show you guys wea fo go inside da boonies Fo you guys take ova da land from da Amor peopo.

Census 1:1

Afta da Israel peopo come outa Egypt, da firs day a da secon month in da year numba two, dey stay inside da Sinai boonies. Da One In Charge talk to Moses inside da Tent Wea Da Peopo Meet God. He tell Moses:

Census 14:33

Yoa kids goin take kea sheeps ova hea inside da boonies fo forty year. Dass how long you guys goin suffa, cuz you guys fool aroun ova an ova wit odda gods, till da las mahke bodies stay inside da boonies.

Census 14:34

Forty year—az one year fo ery day you spy guys wen scope out da land. Dass how long you guys goin suffa fo da bad kine stuff you wen do. Dass how you guys goin find out how stay, wen I stay agains you.

Census 22:12

But God tell Balaam, “No go wit dem. You betta not put kahuna on top dose peopo! Cuz I do plenny good kine tings fo dem.”

Census 32:13

“Dat time, Da One In Charge come real mad wit da Israel peopo. He make dem stay go aroun inside da boonies fo forty year, till all da peopo mahke dat he see wen do bad kine stuff.

Luke 22:35

Den Jesus tell dem, “Wen I wen sen you guys out befo time, an you no mo money bag, o bag fo yoa clotheses, o slippas, you neva need notting moa, aah?” Dey tell, “No.”

John 10:27

My sheeps, dey hear my voice. I know dem. An dey stay tight wit me.

Rules Secon Time 1:19

“Den, jalike wat oua God, Da One In Charge, tell us fo do, we go from Mount Sinai to da hills inside da Amor peopo land. We go thru da big an skery boonies dat you guys wen see. Den we reach Kadesh-Barnea.

Rules Secon Time 1:46

Az why you guys stay dea Kadesh town long time.

Rules Secon Time 2:14

“Az was thirty-eight year afta we go way from Kadesh-Barnea da firs time dat we go da odda side a da Zered Stream. Dat time, all da fighta guys dat wen stay alive befo time, awready mahke, jalike Da One In Charge wen make one strong promise fo erybody know dat he goin do um to dem.

Rules Secon Time 2:6

Us guys goin buy da food us guys eat an da watta us guys drink, an pay dem wit silva.” ’ ”

Rules Secon Time 29:4

But still yet today Da One In Charge no give you da eyes fo see, o da ears fo hear. Az why you guys no undastan all dat.”

Rules Secon Time 29:5

Moses tell dat Da One In Charge tell, “All da time fo forty year dat me Da One In Charge wen lead you guys inside da boonies, yoa clotheses an yoa slippas neva come boros.

Joshua 5:6

Da Israel peopo wen move aroun inside da boonies fo forty year, till all da guys in da nation dat stay ol enuff fo fight wen dey come outa Egypt. All dose guys mahke cuz dey neva lissen Da One In Charge. You know, Da One In Charge wen make one strong promise to dem guys, fo erybody know dat he goin do um. He tell um dat dey no goin see da land dat Da One In Charge wen promise dea ancesta guys dat he goin give us guys, da land dat get plenny milk an honey.