Rules Secon Time 2:33 - Hawaii Pidgin Bible

³³ But oua God, Da One In Charge, give him to us an we bus um up, him an his boys, an all his army guys.

Rules Secon Time 2:33 ပူးပေါင်းရင်းမြစ်များ

Start 14:20

An I like tell dis bout da God Dass Mo Importan Den All Da Odda Gods: He erytime do good tings. He da One dat wen hand ova to you Da guys dat wen give you hard time.” Den Abram take all da stuffs he bring back an make ten pile, an he give one whole pile to Melkizedek, ten percent.

Songs 136:19

One a dem, Sihon, Da king fo da Amor peopo, Cuz he stay tight wit his peopo foeva!

Outa Egypt 23:31

I goin set you up wit all da land from da Red Sea to da Mediterranean Sea, an from da boonies to da Eufrates Riva. I goin turn ova da peopo dat stay live inside dat land to you, an you goin make um all go way.

Census 21:24

But da Israel guys kill Sihon wit swords, an take ova his land from da Arnon Riva to da Jabbok Riva. But dey go ony to da edge a da Ammon land, cuz da Ammon peopo strong an no let nobody come inside dea land.

Rules Secon Time 2:32

“Den Sihon an all his army guys come outside da town fo fight us guys Jahaz side.

Rules Secon Time 20:16

Inside da towns a da peopos dat stay live nea you guys, dat yoa God, Da One In Charge, stay give you guys fo come yoa property, no leave nobody alive, not even da animals.

Rules Secon Time 29:6

You guys neva eat bread, but I give you guys da manna fo eat, an you neva drink wine o beer. Me, Da One In Charge do all dis so you guys goin know dat me, Da One In Charge, I yoa God fo real kine.

Rules Secon Time 7:2

Wen oua God, dass Da One In Charge a us, give you guys powa ova dem, an you win ova dem, den you guys gotta wipe um all out, jalike you make one big sacrifice fo Da One In Charge. No make one deal wit dem, an no give dem chance.

Joshua 21:44

Da One In Charge let dem res all aroun, jalike he wen make one strong promise to dea ancestas fo do. All da peopo dat stay agains dem no can win ova dem, but Da One In Charge make da Israel peopo win ova all dose guys.

Local Leadas 1:4

Wen da Judah guys attack da Canaan guys, Da One In Charge make dem win ova da Canaan peopo an da Periz peopo. So dey kill 10,000 guys Bezek side.

Local Leadas 7:2

Da One In Charge tell Gideon, “You get mo plenny army guys den you need! If I make dem win ova da Midian guys, da Israel guys goin talk big, but not bout me. Dey goin tink dey da awesome guys, cuz dey da ones wen bus up da Midian guys wit da powa dey get, an dey da ones do stuff dat get dem outa trouble.