Rules Secon Time 2:14 - Hawaii Pidgin Bible

¹⁴ “Az was thirty-eight year afta we go way from Kadesh-Barnea da firs time dat we go da odda side a da Zered Stream. Dat time, all da fighta guys dat wen stay alive befo time, awready mahke, jalike Da One In Charge wen make one strong promise fo erybody know dat he goin do um to dem.

Rules Secon Time 2:14 ပူးပေါင်းရင်းမြစ်များ

Songs 106:26

Den God put up his hand An make one strong promise Dat he goin make dem all Fall down an mahke, Ova dea inside da boonies.

Songs 90:15

Fo all da days Dat you wen give us hard time, Make us guys feel good inside Da same numba days, Fo all da years dat us wen see Bad tings happen.

Songs 90:3

You da One make peopo come dirt One mo time wen dey mahke. You tell, “You peopo, time awready Fo you come dirt jalike befo time!”

Songs 90:9

Wen you stay huhu wit us guys, Den all da time us guys live, Ony come poho. Life come pau real fas, jalike one moan, All da year dat we stay.

Songs 95:11

Cuz a dem, I wen come huhu An make one strong promise— I wen tell, ‘No way dese peopo goin go Da place wea I goin make dem come So notting bodda dem!’ ” An dass wat God tell you guys today.

Ezekiel 20:15

An I do anodda ting too. Inside da boonies I wen make one strong promise dat no way I goin bring dem inside da land I wen give dem, one land dat get plenny milk an honey, da mos beautiful land from all da odda lands.

Census 1:1

Afta da Israel peopo come outa Egypt, da firs day a da secon month in da year numba two, dey stay inside da Sinai boonies. Da One In Charge talk to Moses inside da Tent Wea Da Peopo Meet God. He tell Moses:

Census 13:26

Dey come back by Moses an Aaron, an all da Israel peopo, dat stay Kadesh town inside da Paran Boonies. Ova dea dey tell da peopo eryting dey wen see, an show dem all da fruit from da land.

Census 32:11

‘Dese peopo no go all out fo stay tight wit me! Cuz a dat, from da men guys twenny year ol an mo dat come outa Egypt, dey no goin see da land dat I wen make one strong promise fo give to Abraham, Isaac, an Jacob!

1 Corint 10:5

But God neva like how plenny peopo wen ack. Az why dey wen mahke, an dea bodies dey wen bury all ova da diffren places wea dey wen go.

Rules Secon Time 1:19

“Den, jalike wat oua God, Da One In Charge, tell us fo do, we go from Mount Sinai to da hills inside da Amor peopo land. We go thru da big an skery boonies dat you guys wen see. Den we reach Kadesh-Barnea.

Rules Secon Time 1:2

You know, fo walk Mount Sinai to Kadesh-Barnea, take eleven days, even if you go da far away on da Mount Seir road.

Rules Secon Time 1:46

Az why you guys stay dea Kadesh town long time.

Rules Secon Time 2:13

Moses tell da peopo dis too: “Den Da One In Charge tell me, ‘Now, go da odda side a da Zered Stream.’ So we go da odda side to da Moab land.

Rules Secon Time 2:16

“Afta all dose guys dat can fight mahke,

Rules Secon Time 2:7

An Moses tell, “Cuz oua God, Da One In Charge, do plenny good stuff fo us guys, an make eryting us guys make come out good. He take kea us guys inside da big boonies. He stay wit us guys fo all dis forty year, an us neva need notting eva.

Joshua 24:7

But dey yell to me, Da One In Charge, fo help dem, an I put one real dark cloud in da middo, wit da Egypt guys one side, an you Israel guys da odda side. Den I make da sea drown da Egypt guys. You guys wen see wat I do to dem. Den you guys live inside da boonies long time.

Joshua 5:4

Dis how come Joshua do dat. All da guys dat stay ol enuff fo fight wen dey come outa Egypt, dey wen mahke inside da boonies afta da peopo come outa Egypt.

Joshua 5:6

Da Israel peopo wen move aroun inside da boonies fo forty year, till all da guys in da nation dat stay ol enuff fo fight wen dey come outa Egypt. All dose guys mahke cuz dey neva lissen Da One In Charge. You know, Da One In Charge wen make one strong promise to dem guys, fo erybody know dat he goin do um. He tell um dat dey no goin see da land dat Da One In Charge wen promise dea ancesta guys dat he goin give us guys, da land dat get plenny milk an honey.

Jude 1:5

I figga lidis: I know you guys know all dat stuff awready. But I like make you guys tink bout da time Da One In Charge wen take da peopo outa Egypt, so no mo nobody can make um go back eva. Den afta dat, he wen wipe out da peopo dat neva trus him.