Rules Secon Time 19:14 - Hawaii Pidgin Bible

¹⁴ Wen you guys go inside da land dat yoa God, Da One In Charge, stay give you guys fo take ova fo come yoa property, no go move da stone dat show wea da land stay fo da guy dat live nea you. Da peopo dat wen stay dea befo you guys wen put dat stone dea.

Rules Secon Time 19:14 ပူးပေါင်းရင်းမြစ်များ

Job 24:2

Get guys dat move da stones Dat mark da edges a da land dat stay da property a anodda guy. Az how dey steal da odda guy land. Dey rip off animals. Den dey take um wea get good grass, Jalike dey own um.

Outa Egypt 21:13

But if he neva go afta da guy fo kill um, but God jus let um happen, den God goin give da guys one place wea da guy can run an dey no can kill um ova dea.

Smart Guys 15:25

Da big head guys, Da One In Charge broke down dea place Wea dey get all dea stuff. But fo da widow, He make shua nobody steal her land, Even litto bit.

Smart Guys 22:28

No go move da property pin dat yoa ancesta guys wen put Fo show wea yoa land end, Fo you steal land from da odda guy.

Smart Guys 23:10

No go move da stone Dat yoa ancesta guys wen put Fo mark wea dea land stay. No try fo take ova da fields Dat some kids own Cuz dea faddah guy mahke awready,

Hosea 5:10

Da Judah leada guys ack jalike da steala guys Dat move da stones dat show wea da edge a one field stay. I goin come real huhu wit dem I goin hit um Jalike one wattafall.

Rules Secon Time 27:17

“Da Levi guys goin tell: ‘God goin punish anybody dat move one stone dat show wea anodda guy land stay!’ “All da peopo goin tell, ‘Az right!’

Rules Secon Time 3:18

“Dat time, I wen tell you Reuben, Gad, an Manasseh guys dat goin stay east a da Jordan Riva, wat you gotta do: ‘Yoa God Da One In Charge wen give you guys da land dis side fo come yoa property. Az why all yoa guys dat can fight, gotta take dea bows an arrows an swords, an go da odda side a da Jordan Riva in front da odda Israel peopo fo help dem fight firs.

Rules Secon Time 4:41

Den Moses wen pick three big town on da east side a da Jordan Riva