Rules Secon Time 19:10 - Hawaii Pidgin Bible

¹⁰ Do dat fo make shua you guys no goin kill somebody dat neva do notting bad inside da land dat yoa God, Da One In Charge, stay give you guys fo come yoa property. Cuz if you guys go kill somebody dat neva do notting bad, den goin be you dat goin get da blame fo kill dem.

Rules Secon Time 19:10 ပူးပေါင်းရင်းမြစ်များ

1 Kings 2:31

Da King tell Benaiah, “Go kill Joab, jalike he tell, an bury him, so dat me an my faddah peopo no goin get da blame. Cuz Joab wen make plenny peopo bleed an mahke, fo no reason.

2 Kings 21:16

Dis happen, cuz Manasseh kill plenny peopo dat no do notting bad. Jalike he fill Jerusalem wit dea blood, from one side to da odda side. An one mo bad ting Manasseh do: he make da Judah peopo do plenny bad kine stuff too, da way Da One In Charge see um.

2 Kings 24:4

Dis Manasseh guy, he even wen kill plenny peopo dat neva do notting wrong, jalike he stay pour dea blood all ova Jerusalem town. Da One In Charge stay shua, he no goin let Manasseh go fo wat he wen do.

Songs 94:21

Dat kine peopo come togedda Fo kill da peopo dat do da right ting. Dea judges tell, Da peopo dat neva do notting bad Gotta bleed an mahke.

Smart Guys 6:17

Da peopo dat ack high makamaka, Da peopo dat erytime bulai, Da peopo dat make peopo bleed, Even if da peopo neva do notting to dem,

Isaiah 59:7

Dey run fas fo do bad kine stuff. Dey real quick fo kill peopo Dat neva do notting bad. Dey ony tink bout How fo do bad kine stuff. Ery place dey go, Dey broke up eryting.

Joel 3:19

But Egypt goin stay all wipe out. Edom goin stay ony boonies, all wipe out too. Cuz dey wen make any kine to da Judah peopo, An dey make peopo bleed an mahke Dat neva do notting wrong inside dea land.

Jonah 1:14

Den dey yell fo help to da god Jonah pray to, Da One In Charge. Dey tell, “Eh God! You Da One In Charge! No let us guys come wipe out jus cuz we gotta kill dis guy! If he neva do one bad ting, an we kill um, try let us guys go! Cuz you Da One In Charge, an was you dat wen make all dis happen, not us guys! So no poin finga us!”

Census 35:33

“No make da land come pilau wea you guys live. Wen somebody kill anodda guy, dat make da land come pilau. You no can make pono da land wea somebody wen kill anodda guy. Ony if you kill da guy dat wen kill da odda guy, den you can make um pono.

Rules Secon Time 19:13

No show him pity notting. You guys gotta hemo da blame from da Israel peopo fo kill somebody dat neva do notting wrong fo eryting go good fo you guys.

Rules Secon Time 26:1

Go inside da land dat yoa God, Da One In Charge, stay give you guys fo come yoa property. Take um ova an live dea.

Rules Secon Time 4:21

“But Da One In Charge come huhu wit me cuz a you guys. He make one strong promise dat I no goin go da odda side a da Jordan Riva an go inside da good land dat yoa God, Da One In Charge, stay give you guys cuz you his kids.

1 Samuel 19:5

He almos wen mahke, da time he kill Goliat, da Filisha guy. Dat time, Da One In Charge get da Israel peopo outa trouble big time. You wen see wat happen, an you wen stay good inside cuz a dat. So, how come you like do dis bad kine ting to one guy like David dat neva do notting wrong?! An den, you like kill him an you no even know why!”