Rules Secon Time 18:2 - Hawaii Pidgin Bible

² Cuz dey no goin get land from Da One In Charge jalike dea braddah guys. Wat dey goin get, az da right fo be da pries guys fo Da One In Charge, jalike he wen make one promise to dem.

Rules Secon Time 18:2 ပူးပေါင်းရင်းမြစ်များ

Start 15:1

Afta Abram get Lot outa trouble, anodda ting happen. Abram see someting jalike in one dream, but he not sleeping. God, Da One In Charge, tell um dis: “No sked, Abram! I no goin let nobody hurt you. I jalike one shield fo you. I goin be yoa God An pay you plenny bumbye!”

Songs 119:57

Eh God! You wen give me you, Da One In Charge! I promise fo do wat you tell me fo do.

Songs 16:5

Eh! You Da One In Charge! Da main ting I get cuz I yoa kid, I get you! You, you make good tings happen fo me, Cuz you stay in charge a eryting dat goin happen to me.

Songs 84:11

Cuz oua God, Da One In Charge, He show us guys wea fo go Jalike wen da sun shine. An he proteck us guys Jalike one shield. He like do plenny fo us guys, An he make us come mo awesome. Da One In Charge, He no goin hold back notting good From da peopo dat stay do wass right.

Isaiah 61:6

But you guys, peopo goin call you “Prieses fo Da One In Charge.” Dey goin call you guys “Helpa guys fo oua God.” You guys goin get plenny food From da odda countries, An talk big cuz a da awesome tings dey get An you goin get um too.

Sad Song 3:24

I figga, “I get Da One In Charge fo my share, so I no need notting moa. Az why I goin wait fo him fo help me.”

Ezekiel 44:28

“ ‘Da pries guys no goin get property inside da Israel land. Me, Da One In Charge da ony property dey goin get!

Census 18:20

Da One In Charge tell Aaron, “You no goin own notting inside da peopo land fo yoa share. You get me fo yoa share, not land jalike da odda Israel peopo get.

Census 18:7

Ony you an yoa boys togedda can do da pries kine work—eryting bout da altar an inside da curtain. Az my present fo you guys, da pries kine work. If anybody dass not yoa ohana go nea da place dat stay spesho fo me, dey gotta mahke.”

Rules Secon Time 10:9

Az why da Levi ohana no mo land o property from Da One In Charge, jalike dea braddahs from da odda ohanas get. Cuz da Levi ohana get Da One In Charge, jalike he wen tell dem.)

Joshua 13:14

But Moses no give da Levi ohana property notting. Cuz da Israel peopo bring sacrifices fo make um wit fire fo Da One In Charge, da God fo da Israel peopo, an da food from dat sacrifice go to da Levi ohana. Az dea property, jalike he wen make one promise to dem.

1 Peter 2:5

Eh, you guys, come tight wit Christ fo God use you guys too, jalike you guys da stones fo make one place fo God Spirit. An you guys stay alive fo real kine too, jalike Christ. All you guys goin be jalike pries guys dat stay spesho fo God. Jalike you guys goin give sacrifices to God, da kine sacrifices God like, cuz Jesus Christ wen mahke fo all you guys.

1 Peter 2:9

But you guys da one God wen pick. You da pries guys fo da King. You guys da peopo dat stay spesho fo God. God tell, “Dey mines!” bout you guys, fo you guys tell erybody all da good stuff God wen do. He tell you guys fo come outa da bad kine stuff an stick wit da good kine stuff he like us fo do. Jalike you wen go outa da dark an come inside da awesome light.