Rules Secon Time 15:7 - Hawaii Pidgin Bible

⁷ If get braddahs o sistahs dat no mo notting inside yoa towns, inside da land dat yoa God, Da One In Charge, stay give you guys, mo betta get one good heart an no come stingy bout dem.

Rules Secon Time 15:7 ပူးပေါင်းရင်းမြစ်များ

Nehemiah 5:1

Dat time, plenny peopo an dea wifes stay squawk bout how da odda Jew ohana guys make to dem.

Esther 9:19

An az why da Jews dat live da country side stay make March 8 da spesho day fo feel good inside, wen dey make party an give food to each odda fo gifs.

Esther 9:22

Cuz az was wen da Jews wen res, cuz dey no gotta suffa no mo from da guys dat hate dem. From dat time, eryting change fo dem. Dey no feel sore inside no moa, dey stay feel good inside. Dey no ack jalike somebody wen mahke, dey make hoolaulea an big party. Mordecai write dem fo no foget dose days an fo give food kine presents to each odda an to da peopo dat no mo notting.

Outa Egypt 22:25

If you lend money to my peopo, da ones dat no mo notting dat live dea wit you, no make jalike dat yoa biznis. No make um pay back you guys wit interes money.

Smart Guys 19:17

You do good kine stuff Fo da peopo dat no mo notting, Jalike you stay lend stuff to Da One In Charge. An Da One In Charge goin pay you back wit good kine stuff Fo wat you do.

Smart Guys 21:13

Wen peopo yell fo help cuz dey need someting, An you make deaf ear, Goin be same same fo you. Wen you yell fo help, Nobody goin lissen you!

Isaiah 58:10

An you guys betta go all out Fo help da hungry peopo, An take good kea da peopo dat get hard time! Den, if you guys make lidat, Peopo goin get life, No matta get bad kine stuff happen all aroun. Jalike you guys stay give one light dat shine Wen eryting stay dark, Fo make da dark places get light all ova, Jalike noon time!

Prieses 25:35

“If get Jew guys dat no mo notting, an no can work, help dem jalike you help one guy from anodda place o one guy dat live nea you fo one short time. Den okay fo dem live wit you guys.

Matthew 18:30

“But da firs worka guy no like wait, so he tell da guards fo put da odda guy inside da prison till he pay wat he owe him.

Matthew 5:42

Wen somebody aks you fo someting you get, give um. Da guy dat like borrow someting from you, no tell um, ‘No!’

Rules Secon Time 15:11

Erytime, goin get some peopo dat no mo notting inside da land. Az why I tell you guys fo get one good heart fo give stuff to yoa braddah guys wen dey no mo powa an dey need plenny inside yoa land.

Rules Secon Time 15:9

Make shua you guys no tink lidis: “Da year numba seven stay come nea, wen we gotta let go an foget bout wateva somebody owe us an let um go!” No good you tink lidat an come mean an no give yoa braddah guys notting wen dey no mo notting. If you make lidat, den az good fo dem tell Da One In Charge fo help dem go agains you, an you goin get da blame fo do wass bad.

Rules Secon Time 24:14

If one guy work fo you an he no mo notting, an need stuff, no make him wait fo you pay him. No matta he one Israel guy, o he not one Israel guy, but he live inside yoa town,