Rules Secon Time 15:6 - Hawaii Pidgin Bible

⁶ Cuz yoa God, Da One In Charge, goin do plenny good kine stuff fo you guys, jalike he wen make one promise fo do. You guys goin let plenny peopos borrow stuff from you, but you guys no need borrow stuff from nobody. You guys goin loan money to plenny peopos, but you no goin need odda peopo fo loan money to you guys.

Rules Secon Time 15:6 ပူးပေါင်းရင်းမြစ်များ

1 Kings 4:21

Solomon was da King in charge a all da local kine kings from da Eufrates Riva to da Filisha land, an all da way to da Egypt borda. Da local kine kings bring rich kine gifs fo Solomon an dey work fo him all da time Solomon stay alive.

1 Kings 4:24

Solomon get all dat, cuz he da King ova all da local kine kings dat live da west side a da Eufrates Riva, all da way from Tifsah to Gaza. Wen Solomon was da King, eryting go good fo him from all da peopo da west side a da Eufrates, an all aroun him.

1 Records 17:27

Now you stay good inside fo do good kine tings fo me yoa worka guy an my ohana. Dass how my ohana goin stay in front you foeva. Cuz you Da One In Charge, an you wen promise fo do good stuff fo dem. An goin stay lidat foeva!”

2 Records 9:26

Solomon was da main king ova all da odda kings from da Eufrates Riva north side, all da way by wea da Filisha peopo live west side, an to da edge a da Egypt land south side.

Ezra 4:20

Da kings from dat side dat wen live inside Jerusalem an da whole West Eufrates Side, dey was strong, an dey get plenny tax money from ova dea dat side.

Nehemiah 9:27

Cuz a dat, you wen make shua, Da odda peopo dat stay agains oua Israel ohanas Bus up oua peopo an make um suffa. But wen oua peopo wen suffa, Dey yell to you fo help dem. You hear dem from inside da sky, An cuz you get plenny pity fo dem, You wen give some leada guys to oua peopo, Fo get um outa da hard times dey stay in Cuz a da ones dat stay agains dem.

Songs 112:5

Wen somebody do good tings fo peopo An lend stuff to dem, Good tings goin happen fo dat guy. He no goin bulai nobody Jus fo make money.

Songs 37:21

Da peopo dat do bad kine stuff, Wen dey borrow money from you, Dey no pay you back. Da guys dat do wass right, Dey like give stuff to peopo Fo kokua dem.

Songs 37:26

Da peopo dat do da right ting, Dey erytime get one good heart Fo lend stuff to peopo. Peopo tell, “Wen God wen give kids To dose good guys, Was good wat he wen do fo dem!”

Smart Guys 22:7

Da rich guys tell da guys dat no mo notting Wat dey gotta do. Same ting, da guys dat borrow money, Dey jalike one slave dat gotta do Wateva da guy tell um fo do Dat lend um da money.

Luke 6:35

No way! Get love an aloha fo da peopo dat stay agains you, an do good tings fo dem, an lend um stuff, an no figga you goin get um back! Cuz da God Dass Mo Importan Den All Da Odda Gods, he erytime do good tings fo da peopo dat no tell him ‘Mahalo plenny!’ an da peopo dat do real bad kine stuff. If you make jalike God, dat show he you guys Faddah, an you his kids. An bumbye, God goin give you guys plenny good kine stuff bumbye in da sky cuz a dat.

Rules Secon Time 15:5

But yoa God, Da One In Charge, goin do dis, ony if you guys make shua you do all dis stuff he wen tell you guys fo do, an all da tings I stay tell you guys today.

Rules Secon Time 28:44

Dey goin let you guys borrow stuff from dem, but dey no need borrow stuff from you. Dey goin be jalike da head, an you guys goin be jalike da tail.