Rules Secon Time 15:16 - Hawaii Pidgin Bible

¹⁶ But if yoa slave guy tell you, “I no like go way from you! Cuz I get love an aloha fo you an yoa ohana, an eryting stay good fo me hea wit you!”

Rules Secon Time 15:16 ပူးပေါင်းရင်းမြစ်များ

Songs 40:6

Sacrifices an gifs, Az not da main ting Fo make you come good inside— You, Da One In Charge! You neva tell I gotta make Burn up kine sacrifices fo you, O da kine sacrifices Fo hemo da shame Fo da bad tings I wen do. But you wen give me my ears fo lissen. If I lissen wat you tell, an I do um, Fo shua, dat make you Come good inside!

Songs 40:8

You my God, An wen I do wat you like fo me do, Dat make me come good inside! Da Rules you teach stay inside me.

Rules Secon Time 15:15

No foget, you guys was slaves too, Egypt side, an yoa God, Da One In Charge, wen do wat he gotta do fo get you guys outa dea. Az why I tell you guys today fo give da slave guys plenny wen you let um go.

Rules Secon Time 15:17

Den bring da slave guy by one door. Den poke one spike thru da bottom a his ear lobe to da door, an den take out da spike. Dass fo show he goin stay yoa slave guy all da time he stay alive. An do da same ting fo yoa slave if az one wahine.