Rules Secon Time 15:11 - Hawaii Pidgin Bible

¹¹ Erytime, goin get some peopo dat no mo notting inside da land. Az why I tell you guys fo get one good heart fo give stuff to yoa braddah guys wen dey no mo powa an dey need plenny inside yoa land.

Rules Secon Time 15:11 ပူးပေါင်းရင်းမြစ်များ

Outa Egypt 23:11

But da year numba seven, you guys gotta let da land res. Jus let um go an leave um. Dat year, da peopo dat no mo notting can eat wateva come up inside da field, an da wild animals can eat wateva grow dea. Same ting fo yoa grape farms an yoa olive farms.

Smart Guys 19:17

You do good kine stuff Fo da peopo dat no mo notting, Jalike you stay lend stuff to Da One In Charge. An Da One In Charge goin pay you back wit good kine stuff Fo wat you do.

Smart Guys 22:2

Da rich peopo an da peopo dat no mo notting, Dey same same. Da One In Charge Him da One make all dem.

Smart Guys 31:20

She put out her hands fo show her aloha Fo help da peopo dat no mo notting. An fo help out da peopo dat stay suffa.

Ezekiel 18:7

Dat kine guy no put presha on top nobody. An wen he loan money an keep someting da odda guy own fo make shua da guy goin pay um back, den, wen da odda guy pay wat he owe, da guy dat wen loan um, he give back da ting right den an dea. He no rip off nobody. He share his food wit da guy dat stay hungry. He share clotheses wit da naked guy.

Matthew 26:11

Erytime goin get pooa peopo stay wit you guys, but I not goin stay wit you guys erytime, you know.

Matthew 5:42

Wen somebody aks you fo someting you get, give um. Da guy dat like borrow someting from you, no tell um, ‘No!’

Mark 14:7

Erytime goin get peopo dat no mo notting stay wit you guys, an you can help dem weneva you like. But I no goin stay wit you guys erytime.

Luke 12:33

Sell eryting you get an give da money to da peopo dat no mo notting. Get da kine money bag dat no goin get puka. Make shua you get da importan kine stuff from God inside da sky, dat stay foeva. Da steala guy no can steal um ova dea, an da bugs no can eat um up.

John 12:8

Da peopo dat no mo notting, dey goin be wit you guys erytime. But me, I no goin be wit you guys erytime.

Jesus Guys 2:45

Some a dem sell dea stuffs o dea property, an share some a da money wit da ones dat need kokua.

Rules Secon Time 15:7

If get braddahs o sistahs dat no mo notting inside yoa towns, inside da land dat yoa God, Da One In Charge, stay give you guys, mo betta get one good heart an no come stingy bout dem.

Rules Secon Time 15:8

Mo betta fo get one good heart an let um borrow wateva dey need.