Rules Secon Time 13:11 - Hawaii Pidgin Bible

¹¹ Den all da Israel peopo goin hear bout um an come sked, an nobody from you guys goin do dat kine bad ting one mo time.

Rules Secon Time 13:11 ပူးပေါင်းရင်းမြစ်များ

Outa Egypt 13:3

Den Moses tell da peopo dis: “No foget dis day! Dis da day you guys go outa Egypt, da place wea you guys was slaves. No foget how Da One In Charge wen use his powa fo get you guys outa hea. Dis same day ery year, no eat bread dat get yeast inside.

Smart Guys 19:25

Punish da buggahs dat no mo respeck fo nobody Cuz dey tink dey smart. An den, da odda guys dat donno notting an easy fo bulai dem, Dey goin come mo akamai An learn how fo tink strait. An if you tell da kine guy dat undastan stuff, Dat he wen do someting wrong, Dat guy goin learn someting.

Smart Guys 21:11

Wen you punish da guys Dat no mo respeck fo nobody Cuz dey tink dey mo smart, Den, da guys dat donno notting an easy fo bulai Dey goin start fo learn wat fo do erytime. But da guys dat know wat fo do erytime, Easy fo dem learn plenny If you help um fo undastan.

Prieses 20:2

fo tell da Israel peopo dis: “Any Israel guy, o any guy from anodda place dat stay live wit da Israel guys, if dey give any a dea kids fo make um go inside da fire fo come one sacrifice fo da idol kine god Molek, dey gotta mahke. Da Israel peopo gotta throw stone fo kill um.

Census 25:4

Da One In Charge tell Moses, “Take all da leada guys fo oua peopo dat do dat. Kill um in front me. Let dea mahke bodies stay in front me all da time da sun stay up. Az how I no goin stay huhu no mo agains da Israel peopo.”

Rules Secon Time 13:12

Maybe you goin hear, dat inside one a da towns dat God, Da One In Charge, goin give you guys fo live dea,

Rules Secon Time 17:13

Den all da peopo goin hear bout dat an come sked, an dey goin make shua fo lissen da local leada guy o da pries guy nex time.

Rules Secon Time 19:20

Den da odda peopo goin hear bout dat, an come sked, an no do dis kine bad kine ting no mo, eva.

Rules Secon Time 21:21

Den all da guys from da town he come from goin throw stone at him an kill him. You guys gotta throw out all da real bad kine stuff from you guys. Den all da Israel peopo goin hear bout dat an come sked.

1 Timoty 5:20

Anybody dat still yet stay do bad kine stuff, tell wat dey do in front all da odda church peopo. Tell um dis: “Wat you guys stay do, az wrong!” Den all da oddas goin come sked fo ack jalike dem.

Joshua 7:25

Wen dey reach da valley, Joshua tell Akan, “How come you bring dis trouble on top us? Da One In Charge goin bring trouble on top you today!” Den all da Israel peopo throw big stones at Akan fo kill him an all his peopo, an dey burn up all da bodies.