Rules Secon Time 12:20 - Hawaii Pidgin Bible

²⁰ “Yoa God Da One In Charge wen make one promise fo give you guys mo big land bumbye. Wen he do dat, an you tell ‘I like eat meat’ cuz dass how you feel, den you can eat how much you like.

Rules Secon Time 12:20 ပူးပေါင်းရင်းမြစ်များ

Start 28:14

Yoa peopo goin come choke plenny, jalike no can tell how much sand get on top da groun. Dey goin go all ova dis land, makai side an mauka side, up country side an low country side. All da diffren ohanas all ova da world, bumbye wen dey tink bout you an da peopos dat goin come from you, dey goin tell, ‘Eh! Us like God do good tings fo us guys too, jalike he stay do fo Jacob an fo da ohana dat goin come from him!’

Start 31:30

I tink, you gotta hele on, cuz you tink plenny bout yoa faddah guy house. But, how come you steal my idol kine gods?”

2 Samuel 13:39

Bumbye, da king pau stay sad cuz Amnon mahke, but now he stay sad fo no see Absalom.

2 Samuel 23:15

David feel thirsty, an tell, “Bummahs! I real desperate fo jus one cup watta from da watta storage place nea da Betlehem town gate! Betlehem, dass my home town, you know!”

1 Records 4:10

One time, Jabez go pray to da God fo da Israel peopo. Dis wat he tell: “Eh God, I like you make um fo me do fo real kine Wat you wen make me fo do! I like you make plenny room fo me, An use yoa powa fo help me, An take kea me so notting bad happen, So den I no need hurt!” An God, he make tings happen jalike Jabez wen tell him fo do.

Songs 107:9

Cuz Da One In Charge Give da thirsty peopo wat dey need. He fill up da hungry peopo Wit good kine stuff.

Songs 119:174

Eh! You Da One In Charge! Fo long time, I wait an wait Fo you get me outa trouble! An you know wat make me Stay good inside? Da Rules dat you teach!

Songs 119:20

All da time, fo shua I like know Da tings you tell cuz you da judge. Cuz I all bus up inside.

Songs 119:40

Fo shua, I like do Da tings you tell me fo do. Help me live da kine life dass fo real, Cuz you erytime do da right ting.

Songs 63:1

Eh God! You da God fo me! I stay look fo you. Me, I go all out fo find you, Jalike I go find watta wen I thirsty! I desperate fo see you, My body come weak, Till I find you! Jalike I stay one place Wea no mo rain an erybody tired Cuz no mo watta ova dea.

Songs 84:2

Me, I excited fo go inside da open lanai Aroun da Temple Fo Da One In Charge! I like go dea, mo den I can handle. I goin sing fo da God Dat Stay Alive Cuz I stay real good inside! I goin all out fo yell fo him!

Outa Egypt 23:31

I goin set you up wit all da land from da Red Sea to da Mediterranean Sea, an from da boonies to da Eufrates Riva. I goin turn ova da peopo dat stay live inside dat land to you, an you goin make um all go way.

Outa Egypt 34:24

Cuz wen you guys reach inside dat land, I goin push out da odda peopos. I goin give you guys plenny land. An da three time ery year wen you guys go da place wea you suppose to come togedda in front me, Da One In Charge, da God fo you guys, you guys no need worry bout yoa land, all da time you guys no stay dea, cuz nobody goin take da land away from you.

Census 11:20

You guys goin eat um fo one whole month—till come outa yoa nose, an you guys goin hate um! Az cuz you guys no like me, Da One In Charge, dat stay right hea wit you guys! Cuz you guys stay cry in front me an tell, “How come we wen go way from Egypt?!” ’ ”

Census 11:34

Az why dey call dat place Kibrot-Hattaavah, Da Graves Fo Da Greedy Guys, cuz dass wea dey bury da peopo dat real greedy fo odda kine food.

Census 11:4

Da guys dass not Jew guys dat come outa Egypt wit dem start fo real kine like eat odda kine food. So one mo time da Israel peopo start fo cry, an tell, “If ony somebody give us guys meat fo eat!

2 Corint 9:14

Da Christian peopo Jerusalem side goin pray fo you guys, an dey goin like see you guys mo an moa, cuz God do choke plenny good tings fo you guys.

Rules Secon Time 11:24

Ery place wea you guys put down yoa feets goin be yoa property. Yoa land goin go from da boonies south side to Lebanon north side, an from da Eufrates Riva east side to da Mediterranean Sea west side.

Rules Secon Time 12:15

“But fo you guys, kill yoa animals jus fo eat an not fo make sacrifice, you can do dat inside wateva town. You can eat all da meat you guys like, jalike was wild meat o deer meat. Dass one good kine ting Da One In Charge stay give you guys. Da peopo dat can come in front me an da peopo dat no can come in front me, dey all can eat um.

Rules Secon Time 12:21

If da place yoa God, Da One In Charge, pick fo put his name, stay too far from you, you can kill animals from da cows an sheeps an goats Da One In Charge stay give you guys, jalike I wen tell you. An you guys can eat how much you like inside yoa towns.

Rules Secon Time 19:8

Bumbye, yoa God, Da One In Charge, goin give you guys mo plenny land, jalike he wen make one strong promise to yoa ancesta guys, an he goin give you guys da whole land dat he wen promise dem.

Philippi 1:8

God know how plenny love an aloha I get fo you guys. I feel lidat cuz Jesus Christ feel lidat.

Philippi 2:26

He tink plenny bout all you guys. Bodda him plenny dat you guys wen hear he stay sick.