Rules Secon Time 12:18 - Hawaii Pidgin Bible

¹⁸ Cuz all dat stuff, you guys gotta eat um in front yoa God, Da One In Charge, inside da place he goin pick fo you, yoa boys an girls, yoa worka guys an wahines, an da Levi ohana guys dat live inside yoa towns. Dass how you goin stay good inside in front yoa God, Da One In Charge, bout eryting you guys start fo do.

Rules Secon Time 12:18 ပူးပေါင်းရင်းမြစ်များ

Songs 32:11

Eh! All you peopo dat get um right Wit Da One In Charge, Stay good inside, Cuz you stay tight wit him! All you guys dat get one good heart Fo do da right ting, Dance an sing, Cuz you stay real good inside!

Songs 68:3

But fo da peopo dat stay do wass right, I like fo dem come real good inside An feel good wen dey come In front God! I like fo dem dance an sing Cuz dey stay good inside!

Smart Guys 3:17

Wen you know wat fo do, Eryting goin come all nice fo you, An eryting go good fo you.

Teacha 3:12

I know fo shua no mo notting mo betta fo peopo den fo stay good inside an do good kine stuff all da time dey stay alive.

Teacha 5:18

But you know wat?! I see one ting dass good. Az good fo peopo eat an drink, an stay good inside bout dea hard work unda da sun. All da time dey stay alive, da short time God give um, dass wat dey get.

Isaiah 12:3

Bumbye, all you guys goin feel good inside, Cuz Da One In Charge get you guys outa trouble, Jalike you guys stay good inside Wen you like drink watta, An you get um outa one puka.

Jesus Guys 16:34

Da jaila guy feed um too. Him an his ohana feel real good inside, cuz now dey stay trus God.

Jesus Guys 2:46

Ery day dey come togedda inside da open lanai fo da temple. Dey all come togedda inside dea houses an bring dea food fo share wit each odda. An dey all stay good inside, an dey happy fo come togedda.

1 Corint 10:31

Eryting you guys do, eat, drink, wateva—do um all fo show how awesome God stay.

Galatia 5:22

But if us stay tight wit God Spirit, he give us plenny love an aloha fo erybody. He make us stay real good inside. He help us so notting bodda us. He help us guys hang in dea wit odda peopo long time. He help us tink good bout eryting, an like do good kine stuff fo peopo. He help us fo do wat we promise fo do.

Rules Secon Time 12:14

Make da burn up kine sacrifice ony inside da place Da One In Charge goin pick inside da land dat one a yoa main ohanas own. An all da odda tings I tell you guys fo do, do um ova dea too.

Rules Secon Time 12:19

Make shua you guys no foget fo take kea da Levi ohana guys, all da time you guys live on top yoa land.

Rules Secon Time 12:5

“But you guys gotta find da place yoa God, Da One In Charge, goin pick from all da place wea yoa ohana peopo goin live. He goin put his name dea an stay dea, an you goin go dea fo show love an respeck fo him.

Rules Secon Time 12:7

Ova dea, da place God Da One In Charge stay, you guys an yoa ohana peopo goin eat da sacrifice food, an stay good inside cuz a eryting you guys start fo do, cuz God, Da One In Charge, stay do plenny good tings fo you guys.

Rules Secon Time 14:23

Take da ten percent a yoa wheat an barley, yoa new wine, yoa olive oil, an da firs one fo born from yoa cows, sheeps, an goats, to da place yoa God goin pick fo put his name dea. Eat um dea in front Da One In Charge. Dass how you guys goin learn fo get respeck fo God all da time.

Rules Secon Time 15:20

Ery year you an yoa ohana goin eat da sacrifice animals in front God, Da One In Charge, ova dea da place he goin pick.

1 Samuel 1:4

Ery year, afta Elkanah kill da sacrifice animal, he give Peninnah some a da meat fo her an her kids eat um.