Rules Secon Time 12:10 - Hawaii Pidgin Bible

¹⁰ But you guys goin go da odda side a da Jordan Riva an live inside da land dat God, Da One In Charge, stay give you guys cuz you his kids. Ova dea, Da One In Charge goin let you guys res from fight da peopo all aroun you guys dat stay agains you. You guys goin live ova dea, an no need worry somebody goin hurt you guys.

Rules Secon Time 12:10 ပူးပေါင်းရင်းမြစ်များ

1 Kings 4:25

All da time Solomon stay alive, da Judah an Israel peopo no need worry bout notting, from da Dan land north side to Beer-Sheba town south side. Erybody can sit down unda dea grape vine an fig tree.

1 Kings 8:56

“Az good us guys tell, Da One In Charge do good tings fo us. All us Israel guys, us his peopo, An us can res now, Jalike he wen make one promise befo time. Da One In Charge wen make dat good promise To his worka guy Moses, An Moses wen tell us we can res too. An eryting Da One In Charge tell he goin do, He do um. Not even one word come poho.

1 Records 22:18

He tell um, “Yoa God Da One In Charge stay wit you guys. He let you guys res from fight da nations all aroun you guys. He wen give me da powa fo be king ova da peopo dat live on top da land. Az why now, da land stay unda Da One In Charge an his peopo—dass you guys.

Songs 4:8

I know fo shua I can lay down an go sleep, An eryting goin go good fo me. Az cuz you, Da One In Charge, you da ony one Dat make me live So dat notting bad goin happen to me.

Outa Egypt 33:14

God tell Moses, “Goin be me dat go wit you an make you res inside.”

Smart Guys 1:33

But da peopo dat lissen me, Dey goin stay good an notting goin hurt dem, An dey no need come all sked inside an shake all ova Cuz dey tink maybe someting bad goin happen.” Dass wat da wahine tell dat erytime know wat fo do.

Jeremiah 23:6

Wen he da king, da Judah peopo goin get outa trouble, An da Israel peopo goin know fo shua eryting stay okay. Dey all goin give dea king one name dat mean, ‘Da One In Charge, da one dat do right fo us guys erytime.’ ”

Jeremiah 32:37

‘You know wat?! I wen scatta da Israel peopo all ova da diffren lands cuz I real mad at dem! But fo shua bumbye I goin bring dem back togedda an let dem live ova hea, fo dem no need worry bout notting.

Jeremiah 33:11

bumbye peopo goin hear laughing an singing, an peopo dat stay good inside, an wedding parties, an peopo dat bring animals to da Temple Fo Da One In Charge fo make sacrifice dat tell God ‘Mahalo plenny!’ Da peopo dat bring sacrifice animals goin sing lidis: “ ‘Fo Da One In Charge, Da God Ova All Da Armies, tell um: Mahalo plenny! Cuz Da One In Charge stay good! He stay tight wit his peopo foeva!’ Cuz I goin give back good kine stuff fo eryting in dis land come jalike was befo time.” Az wat Da One In Charge tell.

Ezekiel 28:26

Dey goin live Israel side an dey goin stay shua notting bad goin happen. Dey goin build houses an plant grape farms. Notting bad goin happen to dem wen I punish da odda peopos dat live nea dem—da ones dat wen ack jalike my peopo no good. Den my peopo goin know dass me Da One In Charge, da God fo dem.’ ”

Ezekiel 34:25

“ ‘I goin make one deal fo my peopo fo make shua eryting stay okay fo dem. An I goin wipe out all da wild animals from da land fo da peopo live inside da boonies an sleep in da fores, an notting goin hurt dem.

Ezekiel 34:28

Da odda nations no goin rip off my peopo no moa. Da wild animals no goin eat um up no moa. Notting goin hurt dem, an no mo nobody goin make dem come sked.

Ezekiel 38:11

You goin tell, ‘Me, Gog, goin go afta da peopo inside da Israel land. Da peopo ova dea no mo wall aroun dea small towns. Da peopo I goin attack, no mo notting bodda dem, an dey figga no mo notting bad goin happen to dem. Dey all live wea no mo town wall, an no mo bar o gate door fo keep me outside.

Ezekiel 38:8

Long time goin be befo somebody call you fo fight. Bumbye you goin take yoa armies fo go afta da peopo inside da Israel land wea da peopo get war befo time, an den now come good one mo time. Da Israel peopo goin bring back dea peopo from diffren lands, an bring um inside da mountains inside Israel, dat was wasted fo long time. God wen bring dose peopo outa diffren lands, an now dey all goin live dea an stay safe.

Rules Secon Time 11:31

“Pretty soon you guys goin go da odda side a da Jordan Riva fo take ova da land yoa God, Da One In Charge, give you guys. Afta you guys take um ova an stay live ova dea,

Rules Secon Time 3:27

Climb up da top Mount Pisgah. Look da land on da west side, da north side, da south side, an da east side. Cuz you no goin go da odda side a da Jordan Riva.

Rules Secon Time 33:12

Dis wat Moses tell bout da Benjamin ohana: “Da One In Charge get love an aloha fo dem, I like fo dem get res an no mo trouble Cuz dey stay tight wit him. Da God Dass Mo Importan Den All Da Odda Gods Take kea dem all da time, Da ones Da One In Charge get love an aloha fo, Jalike Da One In Charge stay carry dem on top his back.”

Rules Secon Time 33:28

Dass how da Israel peopo goin live, An nobody goin hurt dem. Da place wea dey live, Nobody goin bodda dem o wipe um out. Da land get plenny wheat an barley an new wine An da sky give plenny dew dea.

Rules Secon Time 4:22

Me, I goin mahke inside dis land. I no goin go da odda side a da Jordan Riva. But you guys, you almos goin go ova dea, an take ova dat good land fo make um yoa property.

Rules Secon Time 9:1

“Lissen, you Israel peopo, you guys almos ready fo go da odda side a da Jordan Riva, fo go inside da land an take um ova, no matta da odda peopos dea stay mo big an mo strong den you guys. Dey get big towns an strong wall dat go up inside da sky.

Joshua 11:23

Dass how Joshua take ova all da land, jalike Da One In Charge wen tell Moses fo do. Da One In Charge give all dat land fo come da Israel peopo property fo all dea ohanas. Dat time, da peopo wen res, an neva fight no moa.

Joshua 14:1

Dis da land da Israel peopo get fo come dea property Canaan side. Eleazar da pries guy, Joshua, Nun boy, an da leadas fo da Israel ohanas wen tell dem who get wat fo come dea property.

Joshua 3:17

Da pries guys dat carry Da Box Fo No Foget Da Deal Wit Da One In Charge, dey stan on top da dry riva bottom inside da middo a da Jordan Riva. All da Israel peopo pass dem. Wen erybody pass, da whole nation stay stan dea on top da dry groun, da odda side a da Jordan Riva.

Joshua 4:12

Da guys from da Reuben ohana, da Gad ohana, an half da Manasseh ohana go across too, ready fo fight. Dey go in front all da peopo right afta da pries guys, jalike Moses wen tell um fo do.

1 Samuel 7:12

Den Samuel take one mangus rock, an put um up one place wea get Mizpah on one side, an Shen on da odda side. He name um “Ebenezer,” dat mean “Help Monument,” cuz he tell, “Da One In Charge wen help us all da way to dis place!”