Rules Secon Time 11:7 - Hawaii Pidgin Bible

⁷ But you guys da ones wen see all da awesome stuff Da One In Charge do.

Rules Secon Time 11:7 ပူးပေါင်းရင်းမြစ်များ

Songs 106:2

No mo nobody can tell All da tings Da One In Charge do Cuz he strong, An no can tell eryting Bout how awesome him!

Songs 145:12

Dey talk lidat fo make shua All da peopo know Bout da tings you do cuz you strong, An cuz da powa you get fo be king Real awesome, Erybody get respeck fo you!

Songs 150:2

Tell good tings bout God, Cuz God do tings fo show How strong him! Tell good tings bout how He mo importan den erybody!

Rules Secon Time 11:6

You guys wen see how Da One In Charge punish Datan an Abiram, Eliab boys from da Reuben ohana, wen da groun open up in da middo a da Israel peopo an da hole swallow dem an all dea ohanas, dea tents, an all dea worka guys an animals an eryting dey own.

Rules Secon Time 11:8

“Az why you guys gotta make shua you do all da stuff I stay tell you guys fo do today fo you guys be strong fo cross ova da Jordan Riva an go inside da land an take um ova.

Rules Secon Time 27:10

Do wat yoa God, Da One In Charge, tell you guys fo do, an stick wit his rules an da stuff I tell you guys today.”

Rules Secon Time 29:2

Den layta, Moses tell all da Israel peopo fo come, an he tell dem: “You guys wen see all wat Da One In Charge do to Pharaoh Egypt side, to all Pharaoh leada guys, an all his peopo an land. You guys wen see all da bad kine stuff dat come on top dem, an all da awesome kine stuff he do fo show who him.

Rules Secon Time 4:3

“You guys see wat Da One In Charge wen do, da time us guys stay Baal-Peor side. Yoa God Da One In Charge wen wipe out from you guys all da peopo dat wen follow da idol kine god Baal, ova dea Mount Peor side.

Rules Secon Time 5:3

Da One In Charge neva make da deal jus wit oua muddah an faddah guys, but wit all us, da guys dat stay alive hea today too.

Rules Secon Time 7:19

You guys wen see how oua God, Da One In Charge, wen make da Egypt peopo suffa. He show how strong him, an he make happen plenny awesome tings. He use his strong powa fo take you guys outa dea. An now, oua God, Da One In Charge, goin do da same ting to all da peopos dat stay make you guys come sked now.

Joshua 24:31

Da Israel peopo wen work fo Da One In Charge all da time Joshua stay alive, an all da time da older leadas live, dat live mo long time den Joshua. Dey see eryting Da One In Charge do fo da Israel peopo.