Rules Secon Time 11:28 - Hawaii Pidgin Bible

²⁸ But maybe you guys no lissen wat God, Da One In Charge, tell you fo do, an you no do um. O maybe you tell ‘Laytas’ to wat I stay tell you guys today, an you bag from Da One In Charge fo go wit odda gods dat you guys donno from befo time. If you guys make lidat, den I goin make bad tings happen fo punish you.

Rules Secon Time 11:28 ပူးပေါင်းရင်းမြစ်များ

Smart Guys 3:33

Da peopo dat stay do bad tings, Da One In Charge promise fo punish all dea ohana, But da peopo dat stay do wass right, He make eryting come good wea dey stay.

Isaiah 1:20

But if you no lissen an no like do wat I tell you fo do, Den odda peopo goin come wit dea swords An wipe out you guys. Cuz az me, Da One In Charge, Da Boss, dat tell dis.”

Isaiah 3:11

Bummahs! fo da guys dat do bad kine stuff, Cuz eryting goin come out bad fo dem! Jalike wat dey do, Dass wat dey goin get.

Jeremiah 7:6

You guys no goin give hard time to da peopo from odda places dat stay live wit you guys, o da kids dat no mo faddah, o da widow wahines. You guys no goin go kill da peopo dat neva do notting wrong inside dis land. You guys no goin stay tight wit odda gods cuz dat goin hurt you guys.

Matthew 25:41

“Den I goin tell da odda guys on my lef side, ‘Get outa hea, you guys! God goin punish you guys! You goin go inside da fire dat stay ready fo da Devil an his angel messenja guys. An dat fire no goin pio eva!

Galatia 3:10

Whoeva try fo do eryting da Rules tell um fo do fo get um right wit God, dey get one kahuna on top dem. Cuz da Bible tell, “Erybody dat no stay do eryting da Rules From God tell us fo do, dey get one kahuna on top dem.”