Rules Secon Time 11:21 - Hawaii Pidgin Bible

²¹ Den, all da time da sky stay up dea ova da earth, you guys an yoa kids goin live long time inside da land dat me Da One In Charge wen make one strong promise to yoa ancesta guys fo give dem.”

Rules Secon Time 11:21 ပူးပေါင်းရင်းမြစ်များ

Songs 72:5

God, I like fo yoa peopo Show you choke respeck foeva, All da time da sun An da moon stay shine, Fo dem, dea kids, An dea grankids, foeva.

Songs 89:30

“Bumbye, if David kids no lissen Wat I teach um An dey no follow my Rules,

Smart Guys 3:16

Wen you know wat fo do erytime, You goin live long time, An get plenny stuffs an plenny respeck too.

Smart Guys 3:2

Den bumbye you goin live long time, You goin get plenny year fo do plenny stuff, An eryting goin go good fo you.

Smart Guys 4:10

Eh my boy, lissen an keep wat I tell you. Az how you can live long time.

Smart Guys 9:11

Cuz if you stay tight wit Da Lady Dat Know Wat Fo Do Erytime, You goin live mo long. Eh! You goin get plenny mo year.

Isaiah 65:20

No goin get bebes dea Dat stay alive ony short time. No goin get peopo dat no live long time. Peopo dat mahke wen dey make hundred year, Odda peopo goin tink dey young. Peopo dat no live hundred year, Odda peopo goin tink somebody put kahuna on top dem.

Rules Secon Time 11:9

If you do dat, you guys goin live long time inside da land dat Da One In Charge wen make one strong promise about um to yoa ancesta guys, wen he give da land to dem an dea kids. Az one land dat get plenny milk an honey all da time.

Rules Secon Time 4:40

Make shua you guys do wat Da One In Charge tell you gotta do, an do wat his rules tell dat I stay give you guys today. If you do dat, eryting goin go good fo you guys an yoa kids afta you, an you goin live long time inside da land oua God, Da One In Charge, give you guys foeva.”

Rules Secon Time 5:16

“Show respeck fo yoa faddah an muddah, jalike me, Da One In Charge, yoa God, wen tell you guys fo do. Den you guys goin live long time an eryting goin go good fo you guys on top da land I stay give you guys.

Rules Secon Time 6:2

Az cuz oua God, Da One In Charge, like fo you, yoa kids, an dea kids afta dem, stay sked a him an get respeck fo him all da time you guys stay alive. He like you guys do wat he tell you guys you gotta do, an show respeck fo his rules bout wass right an wass wrong, jalike I stay tell you guys. Az how you guys goin live long time.

Jesus Show 20:6

Da peopo dat God bring back alive one mo time da firs time, dey all out fo God, an dey stay good inside. Dey no goin mahke da secon time. Dey goin work fo God an God Spesho Guy Christ. Dey goin be jalike pries guys, an dey goin be kings an queens wit him one tousan year.