Rules Secon Time 11:18 - Hawaii Pidgin Bible

¹⁸ No foget dese tings I tell you guys, tink plenny bout um, an feel good bout um. Write um down an put um jalike one sign fo tie on top yoa hands, an fo put aroun yoa forehead.

Rules Secon Time 11:18 ပူးပေါင်းရင်းမြစ်များ

Songs 119:11

Da tings you tell, I keep um inside me, Cuz dey real importan fo me. So den bumbye I no go do notting bad An go agains you.

Outa Egypt 13:16

“So dass da religious kine ceremony dat us guys make ery year. Goin be jalike one mark on top yoa hand, an goin be jalike one sign you put on top yoa forehead, fo you no foget how Da One In Charge wen use his powa fo get us guys outa Egypt.”

Outa Egypt 13:9

“Dis ting dat you do, goin be jalike one mark on top yoa hand fo help you no foget. Goin be jalike someting you tie on top yoa forehead fo help you no foget notting. Dass so you goin talk foeva bout da Rules from Da One In Charge, cuz Da One In Charge wen use his powa fo you guys come outa Egypt.

Smart Guys 3:1

Wen I talk to my boy, I tell um, “Da rules I stay teach you, Neva eva foget um. Da tings I stay tell you you gotta do, Learn um real good, So all dat goin stay inside you.

Smart Guys 3:3

Make shua you stay tight wit yoa good frenz An show love an aloha erytime. Make shua peopo can trus you. You make lidat all da time, Dat make you look good, Jalike wen you put on one jewelry on yoa neck. Learn da Rules from God real good, Fo you no foget um an you keep um inside you. Cuz inside, az jalike one book An you stay write inside um.

Jeremiah 32:39

I goin show dem how fo tink an live da bestes way. Erytime dey goin show me respeck. Dass how eryting goin come good fo dem an da ones dat goin come from dem.

Matthew 23:5

Eryting dey do, dey ony do um fo look good in front da peopo. Dey go aroun an show off stuff da Bible tell on top dea heads an arms, an make um look real nice wit real fancy kine religious kine clotheses.

Rules Secon Time 32:46

den he tell dem, “Tink plenny bout all dis importan stuff dat I wen tell you guys today fo you guys tell yoa kids dey gotta lissen an do eryting dese rules tell.

Colosse 3:16

Make all da stuff you know bout Christ come strong inside you guys. Use all da smarts you guys get fo teach each odda. Show each odda wat stay right an wat stay wrong. Sing an tell God “Mahalo plenny” from inside you, wit all kine songs, da kine Songs Fo God, da kine songs dat tell God Da One In Charge, an da kine songs dat God Spirit give us fo sing.

Hebrews 2:1

Us guys gotta tink plenny bout all da stuff we wen hear fo us no foget um.

2 Peter 1:12

Az why erytime I goin tell you guys da same ting. An you guys no foget um. Neva mind you guys awready know um. You guys stay solid awready cuz you know all dis stuff az true.